Тақвияти ҳамкории Тоҷикистон бо Бонки ҷаҳонӣ дар Душанбе баррасӣ гардид
ДУШАНБЕ, 09.10.2024 /АМИТ «Ховар»/. Раванди марҳилаи дуюми лоиҳаҳои «Устувор намудани бахши молиявӣ» ва «Рушди бахшҳои молиявӣ ва хусусӣ» дар Ҷумҳурии Тоҷикистон дар мулоқоти Раиси Бонки миллии Тоҷикистон Фирдавс Толибзода бо ҳайати Бонки ҷаҳонӣ таҳти роҳбарии коршиноси калони бахши молияи Гурӯҳи Бонки ҷаҳонӣ дар давлатҳои Аврупо ва Осиёи Марказӣ Пиетро Каличе дар Душанбе баррасӣ гардид. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Мусоҳибон инчунин доир ба масъалаҳои марбут ба таъсири хавфҳои тағйирёбии иқлим ба низом, ҳимояи ҳуқуқҳои истеъмолкунандагони хизматрасонии молиявӣ, такмили заминаи санадҳои меъёрии ҳуқуқӣ, беҳтар кардани хизматрасонии молиявии рақамӣ, нигаҳдории суботи макроиқтисодӣ, таъмини устувории низоми пардохт, маблағгузории иқтисоди «сабз» ва таҳияи пойгоҳи ягонаи маълумоти оморӣ мубодилаи афкор намуданд.
Бонки миллии Тоҷикистон бо назардошти аҳаммияти афзояндаи бахши молиявӣ дар сабзгардонии иқтисод бо институтҳои молиявии байналмилалӣ ҳамкорӣ намуда, ба муассисаҳои молиявии мамлакат дар таҳия ва татбиқи таҷрибаи беҳтарини ESG, татбиқи барномаҳои тағйирёбии иқлим ва идоракунии хавфҳои экологӣ кумак мерасонад. Бонк пайваста ба сӯи стандартҳо ва таҷрибаи беҳтарини эътирофшудаи байналмилалӣ ҳаракат мекунад.
Дар анҷоми мулоқот Раиси Бонки миллии Тоҷикистон Фирдавс Толибзода саҳми Бонки ҷаҳониро дар самти дастгирии кӯшишҳои муваффақонаи Ҳукумати Ҷумҳурии Тоҷикистон барои нигоҳ доштани суботи иқтисодӣ ва молиявӣ назаррас арзёбӣ намуд. Ҳамзамон ба ҳайати Бонки ҷаҳонӣ барои ҳамкорӣ ва дастгирии пайвастаи лоиҳаҳое, ки ба таҳкими бахшҳои иқтисодӣ ва иҷтимоии Ҷумҳурии Тоҷикистон нигаронида шудаанд, миннатдорӣ баён кард.
Роҳбари ҳайати бахши молияи Гурӯҳи Бонки ҷаҳонӣ дар кишварҳои Аврупо ва Осиёи Марказӣ Пиетро Каличе аз натиҷаҳои бадастовардаи бахши молиявии Тоҷикистон, бахусус низоми бонкӣ изҳори қаноатмандӣ намуда, омодагии Бонки ҷаҳониро ба ҳамкории минбаъда иброз дошт.
АКС: Бонки миллии Тоҷикистон
Ҳавопаймои нави «Boeing 737-8 MAX»-и «Сомон Эйр» дар Душанбе муаррифӣ гардид
Дар деҳаи Рожи ноҳияи Шуғнон неругоҳи барқи офтобӣ бо иқтидори 3 мегаватт бунёд карда мешавад
ҚУРБИ АСЪОР: 1 доллари ИМА аз 9.2700 то 9.2800 сомонӣ муқррар шудааст
Дар минтақаи Кӯлоб дар 204,7 гектар ҷангалзори нав бунёд гардид
Дараи Камароб дорои захираҳои нодири агробиологӣ ва имконияти васеи рушди кишоварзии кӯҳистон аст
ИСТИФОДАИ САМАРАНОКИ ЗАМИН. Дар шаҳри Конибодом кишти такрорӣ идома дорад
Ҷалби сармоя ба соҳаи энергетикаи Тоҷикистон бо намояндагони ширкати «Рокс Групп»-и Ветнам баррасӣ гардид
Оғози хизматрасонии байналмилалии пардохтии Apple Pay дар Тоҷикистон баррасӣ шуд
Корхонаи коркарди партовҳои сахти маишӣ ва истеҳсоли неруи барқ бунёд карда мешавад
Дар минтақаҳои ҳавзаи дарёҳои Қаратоғ ва Зарафшон қариб 95 фоизи захираи барфи мавсимӣ об шудааст
Дар доираи татбиқи 6 созишномаи сармоягузорӣ дар Тоҷикистон беш аз 2 ҳазор ҷойи нави кор таъсис дода мешавад
Ҳаҷми умумии маҳсулоти кишоварзӣ дар вилояти Хатлон беш аз 17 миллиард сомониро ташкил медиҳад
