ТЕАТР ВА ТАМОШОБИН. Мавсими нави театрӣ то нимаи соли 2025 идома меёбад
ДУШАНБЕ, 02.10.2024 /АМИТ «Ховар»/. Аз моҳи октябри соли 2024 то моҳи июни соли 2025 мавсими нави театрӣ баргузор мегардад, ки дар доираи он намоишҳои нав ба саҳна гузошта шуда, кормандони вазорату кумита ва идораҳои давлатӣ ба тамошои онҳо ҷалб мегарданд.
Тавре ба АМИТ «Ховар» дар Вазорати фарҳанги Ҷумҳурии Тоҷикистон иттилоъ доданд, ҳадаф аз ин иқдом ҷалби ҳарчи бештари тамошобинон ба театр ва баланд бардоштани руҳияи ҳунарпешагон мебошад.
Дар ин муддат дар Театри давлатии академии драмавии ба номи А. Лоҳутӣ, Театри давлатии академии опера ва балети ба номи Садриддин Айнӣ, Театри таҷрибавии тамошобини ҷавон ба номи М. Қосимов, Театри давлатии драмавии русии ба номи В. Маяковскй ва Театри лӯхтаки шаҳри Душанбе намоишҳои ҷолиб, аз қабили «Комден ва Мадан», «Зан ва дузд», «Гунҷишкакон ҳам механданд», «Агар ҷанг намебуд», «Ҳамсоя», «Таъбири ишқ», «Ночь в театре», «Кист гуноҳкор» ва ғайраҳо пешниҳоди тамошобинон гардонида мешаванд.
Ҳайати кормандони театрҳои мамлакат барои мухлисону ҳаводорон ва меҳмонон намоишҳои пурмазмуне аз эҷодиёти нависандагони машҳури тоҷик ва хориҷӣ омода намуда, ҳунарпешаҳои бомаҳорат ба ин намоишҳо ҷилои тоза бахшидаанд.
АКС: АМИТ «Ховар»
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
Одил Дониш аз Осорхонаи миллии Тоҷикистон боздид намуд
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
