Тоҷикистон ва Чин ҳамкорӣ дар самти рушди лоиҳаҳои навро густариш медиҳанд
ДУШАНБЕ, 16.10.2024 /АМИТ «Ховар»/. 15 октябр вохӯрии муовини якуми Вазири рушди иқтисод ва савдои Ҷумҳурии Тоҷикистон Ашурбой Солеҳзода бо Котиби кумитаи ҳизби шаҳри Ланчжоу Чжан Сяотсян баргузор гардид, ки зимни он ҷонибҳо ба густариши минбаъдаи ҳамкории мутақобилан судманд ва рушди лоиҳаҳои нав, ки ба таҳкими шарикии ду давлат мусоидат мекунанд, изҳори омодагӣ намуданд. Дар ин хусус АМИТ «Ховар» бо истинод ба Вазорати рушди иқтисод ва савдои ҷумҳурӣ хабар медиҳад.
Дар мулоқот Ашурбой Солеҳзода иброз намуд, ки бо шарофати сиёсати хирадмандона ва иродаи олии сиёсии роҳбарони ҳарду давлат- Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин ҳамкории стратегии давлатҳои мо ба сатҳи сифатан баланд баромаданд.
Дар мавриди рушди босуръати робитаҳои тиҷоративу иқтисодӣ таъкид шуд, ки Чин дуюмин шарики тиҷоратии Тоҷикистон буда, дар фаъолияти сармоягузорӣ дар қаламрави мамлакат нақши муҳим дорад. Сармоягузории Чин бахшҳои асосии иқтисоди миллиро фаро гирифта, дар рушди он саҳми назаррас мегузорад.
Дар доираи мулоқот имконияти сармоягузории Тоҷикистон муаррифӣ гардид. Гуфта шуд, ки ба сармоягузорони хориҷӣ самтҳои афзалиятнок, аз ҷумла рушди минтақаҳои озоди иқтисодӣ, имтиёзҳои андозӣ ва маъмурӣ, инчунин лоиҳаҳо дар соҳаи истихроҷи ангишт ва газ, истеҳсоли панелҳои офтобӣ, сохтмони заводҳои металлургӣ ва неругоҳҳои барқи офтобӣ пешниҳод карда мешаванд.
АКС: Вазорати рушди иқтисод ва савдои Ҷумҳурии Тоҷикистон
Дар Ню-Йорк масъалаҳои тавонмандсозии ҷавонон ва рушди ҳамкории Тоҷикистону Покистон баррасӣ шуданд
«Амонатбонк» ба муштариён хизматрасонии нави қарзии рақамии онлайнӣ пешниҳод намуд
Аз ҷониби намояндагии Тоҷикистон дар СММ чорабинии канорӣ оид ба ҳамкории зеҳни сунъӣ барои рушди устувор доир шуд
Тоҷикистон ва Покистон дар Ню-Йорк чорабинии сатҳи баланд оид ба зеҳни сунъӣ ва рушди устувор баргузор намуданд
Афзалияти рушди устувори Тоҷикистон дар чорабинии сатҳи баланди ECOSOC муаррифӣ гардид
Дороиҳои «Амонатбонк» 13 миллиард сомониро ташкил дода, сармояи бонк ба 1,2 миллиард сомонӣ расидааст
Дар Женева ҷаласаи 68-уми Ассамблеяи давлатҳои аъзои СУМЗ баргузор гардид
Дар Душанбе Форуми байналмилалии саноати хӯрокворӣ баргузор мегардад
Дар Шанхай Форуми иқтисодию тиҷоратии вилояти Суғди Тоҷикистон доир шуд
НИШАСТИ МАТБУОТӢ. Дар марҳилаҳои якум, кассатсионӣ ва назоратии судҳои иқтисодии Тоҷикистон 2018 парванда баррасӣ гардид
Ҳайати Тоҷикистон дар ҳамоиши Шурои байнидавлатии ИДМ оид ба бехатарии саноатӣ иштирок намуд
Дар Душанбе даври омӯзишии минтақавӣ оид ба танзими бархӯрди манфиатҳо баргузор гардид
