Тоҷирони тоҷик имкон доранд аз низоми WeBOC истифода намоянд
ДУШАНБЕ, 26.10.2024 /АМИТ «Ховар»/. Вазорати нақлиёти Ҷумҳурии Тоҷикистон ба тоҷирону соҳибкорони тоҷик, ки аз бандарҳои обии Ҷумҳурии Исломии Покистон тариқи транзит бор интиқол медиҳанд, тавсия медиҳад, ки бо истифода аз низоми WeBOC аз Корхонаи воҳиди давлатии «Маркази рақамикунонии соҳаи нақлиёт»-и Вазорати нақлиёти Тоҷикистон рамзи электронӣ дастрас намуда, борҳоро интиқол диҳанд. Дар ин хусус АМИТ «Ховар» бо истинод ба Вазорати нақлиёти Ҷумҳурии Тоҷикистон иттилоъ медиҳад.
WeBOC низоми электронии барасмиятдарории ҳуҷҷатҳои молҳои воридотӣ ва содиротӣ буда, он аз ҷониби вазорати савдои Покистон ба давлатҳое, ки тоҷиронашон аз бандарҳои Покистон истифода мебаранд, пешниҳод гардидааст. Аз аввали соли 2024 вазорати савдои Покистон бо Вазорати нақлиёти Тоҷикистон барои ҷудо намудани Мастер ID бо рамз ва утоқи шахсӣ ҳамкорӣ менамояд.
Вазорати нақлиёти Тоҷикистон феҳристи ягонаи интиқолдиҳандагони дохиливу байналмилалӣ таъсис додааст. Тоҷироне, ки тариқи транзит аз ин масир истифода мебаранд, дар ин низом сабти ном мешаванд. Ин низом якчанд мушкилии ҳамлу нақли транзитии борҳои тоҷирону соҳибкорон, аз ҷумла мушкилӣ вобаста ба маблағи суғуртакунии борҳоро осон гардонидааст.
АКС: Вазорати нақлиёти Ҷумҳурии Тоҷикистон
Дар ноҳияи Ҷаббор Расулов парвариши пахта ва ҷамъоварии ҳосили пиёз идома дорад
ИМРӮЗ — РӮЗИ КОРМАНДОНИ СОҲАИ СОХТМОН. Меъмории миллӣ ба ташаккули симои нави шаҳрҳо ва муҳити зисти муносиб мусоидат менамояд
Дар ноҳияи Ҷалолиддини Балхӣ ҳаҷми истеҳсоли маҳсулоти саноатӣ ба 149,6 миллион сомонӣ расид
Ҳаҷми умумии маблағгузории сармоя дар ноҳияи Хуросон ба зиёда аз 337 миллион сомонӣ расонида шуд
Ташаббусҳои глобалии Тоҷикистон дар масъалаи обу иқлим дар муколамаи ҷавонон баррасӣ шуданд
Сулаймон Зиёзода дар ноҳияи Спитамен бо вазъи соҳаҳои пахтакорӣ, боғдорӣ ва токпарварӣ шинос гардид
Ҷаласаи 21-уми Кумитаи ҳамоҳангсоз оид ба содагардонии расмиёти савдо доир шуд
Дар вилояти Хатлон имконоти ҳамкорӣ дар самти бунёди неругоҳҳои барқӣ баррасӣ гардид
РУШДИ СОҲАИ КИШОВАРЗӢ ДАР 35 СОЛИ ИСТИҚЛОЛИЯТИ ДАВЛАТӢ. Ҳаҷми умумии маҳсулоти кишоварзӣ 3,7 баробар афзоиш ёфтааст
14 август Озмуни ҷумҳуриявии «Топ-35-шарики боэътимоди сол» баргузор мегардад
Тоҷикистон таҷрибаи пешрафтаи Қазоқистонро дар самти истифода аз технологияҳои нав барои рушди соҳаи мелиоратсия меомӯзад
Дар Тоҷикистон низоми e-Phyto татбиқ мегардад
