ЗИМИСТОНГУЗАРОНӢ. Дар «Тоҷикаэронавигатсия» барои таъмини бехатарии парвозҳо дар ин давра конфронси техникӣ доир шуд
ДУШАНБЕ, 01.10.2024 /АМИТ «Ховар»/. Дар Корхонаи воҳиди давлатии «Тоҷикаэронавигатсия» бо иштироки сохторҳои марбутаи соҳаи авиатсионии мамлакат, аз ҷумла Фурудгоҳи байналмилалии Душанбе конфронси техникӣ оид ба мубодилаи таҷрибаи корӣ барои таъмини бехатарии парвозҳо дар давраи тирамоҳ ва зимистони солҳои 2024-2025 баргузор гардид. Дар ин хусус АМИТ «Ховар» бо истинод ба Корхонаи воҳиди давлатии «Тоҷикаэронавигатсия» иттилоъ медиҳад.
Мутахассисон доир ба хизматрасонии барқӣ, техникӣ, метеорологӣ ва дигар хизматрасонӣ, ки дар ҳудуди фурудгоҳ аз ҷониби «Тоҷикаэронавигатсия» ва фурудгоҳ пешниҳод мегарданд, табодули афкор намуданд.
Таъкид гардид, ки бинобар сард шудани ҳаво, фаромадани туман ва бориши борону барф таъмини хизматрасонии аэронавигатсионӣ душвор гардида, масъулияти мутахассиони хизматрасонии иттилоотӣ, техникӣ, метеорологӣ ва дигарон зиёд мегардад. Аз ин лиҳоз ташкили чунин вохӯриҳо ба коҳиш додани хатарҳо ва беҳтар гардидани хизматрасонӣ заминаи мусоид фароҳам меорад. Мушкилиҳои ҷойдошта баррасӣ гардида, барои бартараф намудани онҳо чораҳои муассир пешниҳод шуданд.
Дар қисмати дуюми конфронс, ки бо танзимгарон ва мутахассисони Раёсати хизматрасонии ҳаракати ҳавоии Корхонаи воҳиди давлатии «Тоҷикаэронавигатсия» идома ёфт, мутахассисони соҳибтаҷриба аз таъсири обу ҳаво ва дигар омилҳои манфӣ ёдовар шуданд. Онҳо танзимгаронро даъват карданд, ки ҳангоми иҷрои вазифа зиракӣ ва чусту чолокиро аз даст надода, донишу малакаро дар сатҳи баланд истифода баранд.
Дар Корхонаи воҳиди давлатии «Тоҷикаэронавигатсия» омодагӣ ба фаъолияти мунтазаму самаранок дар мавсими тирамоҳу зимистони солҳои 2024-2025 аз моҳи августи соли 2024 оғоз гардидааст.
АКС: Корхонаи воҳиди давлатии «Тоҷикаэронавигатсия»
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Беш аз ду километр роҳи деҳаи Ниликони ноҳияи Рӯдакӣ мумфарш гардид
Дар ҷаласаи 45-уми Шурои идоракунандагони GCF масъалаҳои стратегии марбут ба татбиқи Созишномаи Париж баррасӣ мешаванд
Хизматрасонӣ 24/7: чӣ тавр оператори мобилӣ бо муштариён муошират менамояд
