Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
ДУШАНБЕ, 28.11.2024 /АМИТ «Ховар»/. 27 ноябр дар Душанбе бо ташаббуси Вазорати энергетика ва захираҳои оби Ҷумҳурии Тоҷикистон дар якҷоягӣ бо Созмони ҳамкории иқтисодӣ ҷаласаи 2-юми Гурӯҳи коршиносон оид ба ташкили бозори минтақавии неруи барқи мамлакатҳои иштирокчии Созмони ҳамкории иқтисодӣ (ECO-REM) баргузор шуд.
Тавре ба АМИТ «Ховар» дар Вазорати энергетика ва захираҳои об хабар доданд, дар ҷаласа намояндагони давлатҳои Озарбойҷон, Қазоқистон, Қирғизистон, Покистон, Туркия ва Эрон иштирок доранд.
Муовини Вазири энергетика ва захираҳои об Шарифа Худобахш иброз дошт, ки муколамаи имрӯза ба мо имкон медиҳад на танҳо ба ҳадафҳои гузошта расем, балки устуворӣ ва самаранокии низоми энергетикии худро дар шароити ҷаҳони зудтағйирёбанда ҳифз кунем.
Ҷумҳурии Тоҷикистон дорои иқтидори бузурги гидроэнергетикӣ буда, дар ин замина сохтмони Неругоҳи барқи обии «Роғун» бо иқтидори 3780 МВт идома дорад. Бо пурра мавриди истифода қарор гирифтани неругоҳ миқдори муайяни неруи барқи истеҳсолшуда ба давлатҳои минтақа содирот карда мешавад.
Дар ҷаласа «Лоиҳаи харитаи роҳи бозори минтақавии барқи ECO» муаррифӣ гардид.
Ҷаласаи 2-юми гурӯҳи коршиносон оид ба ташкили бозори минтақавии неруи барқи мамлакатҳои иштирокчии Созмони ҳамкории иқтисодӣ (ECO-REM) имрӯз идома меёбад.
АКС: Вазорати энергетика ва захираҳои оби Ҷумҳурии Тоҷикистон
Дар ноҳияи Дӯстӣ ҷамъоварии шолӣ оғоз гардид
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
Хуршед Мирзо: «Иқдоми муҳими Тоҷикистон дар соҳаи инноватсия ва технологияҳои рақамӣ бунёди IT HUB DUSHANBE аст»
