Ҳар сол дар баъзе мавзеъҳои Бадахшон то 150 ҳолати фаромадани тарма сабт мешавад
ДУШАНБЕ, 28.11.2024. /АМИТ «Ховар»/. Ҳар сол дар ағбаи Кӯҳтезак, роҳи Лангар- Харгушии ноҳияи Ишкошим ва қисмати деҳаҳои Ғ. Шаҳбозови ноҳияи Шуғнон фаромадани то 150 тарма сабт мешавад. Дар ин хусус Раиси Вилояти Мухтори Кӯҳистони Бадахшон Алишер Мирзонабот 27 ноябр зимни ҷаласаи корӣ «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2024-2025» иттилоъ дод.
Тавре дар Мақомоти иҷроияи ҳокимияти давлатии Вилояти Мухтори Кӯҳистони Бадахшон ба АМИТ «Ховар» иттилоъ доданд, дар ҷаласа пешниҳоди харитаи ҷобаҷогузории техника ва тасдиқи қоидаҳои ташкил ва истифодаи манбаъҳои захираҳои моддӣ барои рафъи ҳолатҳои фавқулодаи дорои хусусияти табиӣ ва техногенӣ мавриди баррасӣ қарор дода шуд.
Таъмини аҳолии вилоят бо неруи барқ дар фасли зимистон, таъмини муасисаҳои таълимии ҳудуди вилоят бо гармӣ, дастрасии аҳолии ҷамоатҳои дурдаст бо маводи озуқаворӣ ва маҳсулоти мавриди ниёзи аввал яке аз масъалаҳои муҳим дар давраи сармо мебошад. Инчунин назорати пурраи алоқаи мобилӣ ва ташкили алоқаи интернетиву мобилӣ дар деҳаҳои дурдаст, таъмини муассисаҳои соҳаи иҷтимоӣ, аз ҷумла тандурустӣ бо қувваи барқ ва омодагии пурраи хоҷагии ҷангал дар ин давра аз масъалаҳои муҳим арзёбӣ гардиданд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар Тоҷикистон ҷарроҳони чинӣ кӯдакону наврасонро аз ташхиси ройгон гузарониданд
Дар вилояти Хатлон давоми ду рӯз бо иштироки Сарвазири Тоҷикистон беш аз 30 иншооти таъйиноти гуногун ифтитоҳ карда шуд
Тоҷикистон ва Амрико ҳамкориро дар соҳаи тандурустӣ ва ҳифзи иҷтимоӣ густариш медиҳанд
Дар ноҳияҳои Темурмалик, Восеъ, Шамсиддини Шоҳин ва шаҳри Кӯлоб бо иштироки Сарвазири Тоҷикистон иншооти таъйиноти гуногун ифтитоҳ гардид
Дар Душанбе даври ниҳоии Озмуни ҷумҳуриявии «Малакаи касбӣ» оғоз гардид
Дар Тоҷикистон барои муайян кардани иллатҳои ирсии модарзод табодули таҷриба анҷом дода шуд
МАСЛИҲАТИ МУТАХАССИС. Барои бо ангишт гарм кардани хонаҳо аз бухории махсус бояд истифода намуд
Ҳайати Тоҷикистон бо раванди навсозии хизматрасонии давлатии Молдова шинос гардид
Ҳайати Тоҷикистон дар Конфронси шарҳи Конвенсияи СММ дар Камбоҷа иштирок дорад
Дар Тоҷикистон амалиёти навбатии «Муоинаи техникӣ» гузаронида мешавад
35-СОЛАГИИ ИСТИҚЛОЛИ ДАВЛАТӢ. Дар Мастчоҳ кӯдакистон, Қасри ҷавонон ва бинои нави беморхона ба истифода дода мешавад
«БЕҲТАРИН ОИЛАИ ҲУНАРМАНД». Таҳти ин унвон озмуни ҷумҳуриявӣ баргузор мегардад
