Қасри фарҳанги ноҳияи Ҷалолиддини Балхӣ навсозӣ гардид
ДУШАНБЕ, 13.11.2024. /АМИТ «Ховар»/. Дар доираи сафари кории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ноҳияи Ҷалолиддини Балхӣ (8 ноябри соли 2024) дар Ҷамоати шаҳраки Гулистони ноҳия Қасри фарҳанг бо усули муосири меъморӣ навсозӣ гардида, ба истифода дода шуд. Дар ин хусус ба АМИТ «Ховар» дар Мақомоти иҷроияи ҳокимияти давалтии ноҳияи Ҷалолиддини Балхӣ хабар доданд.
Иншоот бахшида ба 35 — солагии Истиқлолияти давлатӣ бо сатҳу сифати баланд ва ҷавобгӯ ба талаботи фаъолияти соҳа бо таҷҳизоти муосир таъмин гардидааст.
Иттилоъ дода шуд, ки корҳои сохтмонӣ дар иншоот 8 моҳ идома ёфта, ба он 40 мутахассису сохтмончии маҳаллӣ ҷалб гардидаанд.
Бинои Қасри фарҳанг дорои 300 ҷойи нишаст буда, бо маблағгузории мақомоти иҷроияи ҳокимияти давлатии ноҳия ба маблағи 2 миллиону 500 ҳазор сомонӣ навсозӣ гардид. Минбаъд дар ин бинои хуштарҳу муосир имкон фароҳам мегардад, ки ҳама чорабиниҳои маърифативу фарҳангӣ дар сатҳи баланд гузаронида шаванд.
Ёдовар мешавем, ки китобхонаи Қасри фарҳанг низ бозсозӣ гардида, дар он 6961 нусха китобу адабиёти тозанашр ҷамъ оварда шудаанд. Минбаъд хонандагон ва сокинон метавонанд аз ин китобхона самаранок истифода баранд.
АКС: Мақомоти иҷроияи ҳокимияти давлатии ноҳияи Ҷалолиддини Балхӣ
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳоти шаҳри Турсунзода иншооти иҷтимоиву варзишӣ ва роҳи маҳаллӣ мавриди истифода қарор дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
35-СОЛАГИИ ИСТИҚЛОЛИ ДАВЛАТӢ. Дар ноҳияи Ёвон биноҳои нави иловагии таълимӣ бунёд карда мешаванд
35-СОЛАГИИ ИСТИҚЛОЛИ ДАВЛАТӢ. Дар ноҳияи Варзоб пули нави мошингузар мавриди баҳрабардорӣ қарор гирифт
СОЛИ ОБОДОНИВУ СОЗАНДАГӢ. Бо саҳми соҳибкори ватанӣ дар ноҳияи Қубодиён муассисаи томактабӣ бунёд гардид
35-СОЛАГИИ ИСТИҚЛОЛИ ДАВЛАТӢ. 2 километр роҳи деҳаи Чузӣ дар Шаҳринав мумфарш карда шуд
35 — СОЛАГИИ ИСТИҚЛОЛИЯТИ ДАВЛАТӢ. Дар ноҳияи Панҷ 216 иншоот ба истифода дода шуд
Дар Рашт барои дарёфти Ҷоми Раиси Ҳизби Халқии Демократии Тоҷикистон мусобиқаи футбол идома дорад
Дар ноҳияи Бобоҷон Ғафуров муассисаи томактабӣ бунёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Элоки Файзобод барои 2400 хонанда мактаби нав сохта мешавад
Дар шаҳри Бохтар бинои нави беморхонаи бемориҳои дил ва Маркази эндокринология бунёд карда мешавад
