Аз ҷониби Маркази омӯзиши пиряхҳо дар пиряхи Зарафшон экспедитсияи илмӣ-таҳқиқотӣ гузаронида шуд
ДУШАНБЕ, 18.11.2024 /АМИТ «Ховар»/. Аз ҷониби мутахассисони Маркази омӯзиши пиряхҳои Академияи миллии илмҳои Тоҷикистон дар пиряхи Зарафшон экспедитсияи илмӣ – таҳқиқотӣ гузаронида шуд, хабар доданд ба АМИТ «Ховар» дар ин марказ.
Ин аввалин экспедитсияи илмӣ–таҳқиқотии марказ дар пиряхи Зарафшон буда, аз ҷониби олимон дар қисмати забонаи пирях пойгоҳи худкори метеорологӣ, ки барои шароити сангини кӯҳистон таҳия шудааст, насб гардид. Инчунин минтақаи мувофиқ барои амалӣ намудани бошишгоҳи илм-истеҳсолӣ интихоб ва шароити геологию гидрорологии он омӯхта шуд.
Дар раванди омӯзиши шароити ташаккули кӯлҳои пиряхӣ дар қисмати забонаи пирях коҳишёбии пирях омӯхта шуда, харитаҳои онҳо таҳия ва кӯлҳо таҳти назорат гирифта шуданд. Намунаи ях, барф ва обҳои ҷоришаванда барои ташхис ба лабораторияи изотопии Маркази омӯзиши пиряхҳо дастрас карда шуд.
Мавриди ёдоварӣ аст, ки Ҷумҳурии Тоҷикистон бо роҳбарии Президенти ҷумҳурӣ муҳтарам Эмомалӣ Раҳмон рӯзномаи оби ҷаҳонро пеш мебарад. Аз ҷумла, бо ибтикори Тоҷикистон Маҷмаи Умумии Созмони Милали Муттаҳид соли 2025-ро Соли байналмилалии ҳифзи пиряхҳо ва солҳои 2025-2034-ро «Даҳсолаи амал оид ба дастгирӣ аз илмҳои яхшиносӣ» эълон намудааст.
Президенти Тоҷикистон муҳтарам Эмомалӣ Раҳмон 12 ноябри соли равон дар шаҳри Бокуи Ҷумҳурии Озарбайҷон зимни суханронӣ дар ҳошияи Конфронси 29-уми тарафҳои конвенсияи қолабии Созмони Милали Муттаҳид оид ба тағйирёбии иқлим пешниҳод намуданд, ки бо мақсади омӯзиши дақиқи таъсири тағйирёбии иқлим ба пиряхҳои минтақа бо сарпарастии Созмони ҷаҳонии обуҳавошиносӣ ва дар ҳамкорӣ бо дигар шарикони рушд дар шаҳри Душанбе Маркази ҳамоҳангсозии минтақавӣ оид ба яхшиносӣ таъсис дода шавад.
АКС: Маркази омӯзиши пиряхҳои Академияи миллии илмҳои Тоҷикистон
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
