Дар ноҳияи Шоҳмансури шаҳри Душанбе бахшида ба 30-солагии Конститутсия ҳамоиши тантанавӣ доир шуд
ДУШАНБЕ, 05.11.2024. /АМИТ «Ховар»/. Имрӯз бо ташаббуси Мақомоти иҷроияи ҳокимияти давлатии ноҳияи Шоҳмансур дар Театри давлатии академии опера ва балети ба номи Садриддин Айнии шаҳри Душанбе бахшида ба 30-солагии Конститутсия ҳамоиши тантанавӣ баргузор гардид, иттилоъ медиҳад АМИТ «Ховар».
Зимни ҳамоиш таъкид карда шуд, ки бо шарофат ва риояи меъёрҳои Конститутсия пояи давлату Ҳукумат ва ҷомеа таҳким ёфта, сулҳу оромӣ, суботи сиёсӣ ва ваҳдати миллӣ барқарор гардида, рушди устувори сиёсӣ ва иқтисодии Тоҷикистон таъмин гашт. Имрӯз барои ҳар шаҳрванди мамлакат шароити зиндагии арзанда ва инкишофи озодона фароҳам омадааст, ки ин ҳама ба ин санади сарнавиштсоз алоқамандӣ дорад.
Раиси ноҳияи Шоҳмансури шаҳри Душанбе Сафар Олимзода вобаста ба моҳияти асосӣ ва дарки Конститутсияи Ҷумҳурии Тоҷикистон аз ҷониби шаҳрвандон ва эътироф шудани ин бахтномаи миллат байни даҳгонаи беҳтарин конститутсияҳои дунё ибрози андеша намуд.
Гуфта шуд, ки ин ҳама созандагию ободкорӣ ва суботи сиёсии мамлакат аз талошу заҳматҳои пайвастаи Пешвои миллат маншаъ гирифта, ҷаҳониён таҷрибаи комили миллати тоҷикро имрӯз дар самтҳои мухталиф истифода мебаранд.
Иштирокчиёни ҳамоиш вобаста ба Конститутсияи Ҷумҳурии Тоҷикистон ва санадҳои меъёрии ҳуқуқӣ дар самти фаъолияти корӣ мубодилаи афкор намуданд.
АКС: АМИТ «Ховар»
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
