Дар шаҳри Ҳисор аз поруи чорво гази табиӣ истеҳсол намуданд
ҲИСОР, 14.11.2024/АМИТ «Ховар»/. Дар хонаи сокини деҳаи Чаманистони шаҳри Ҳисор Бибикалон Салимова аз поруи чорво газ истеҳсол карданд, яъне таҷрибаи истеҳсоли биогаз дар шароити деҳот амалӣ шуд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии шаҳри Ҳисор иттилоъ доданд.
Соҳибхона Бибикалон Салимова зимни муарифии ин навгонӣ иброз дошт, ки «ман ҳамагӣ чор сар чорвои калони шохдор дорам. Ҳамарӯза се сатил поруи аз чорво истеҳсолшударо бо панҷ сатил об омехта карда, ба дастгоҳи газистеҳсолкунанда меандозам ва дар натиҷа газ истеҳсол мешавад. Як моҳ пеш ин дастгоҳро аз ҷониби Барномаи Рушди Созмони Милали Муттаҳид оварда, насб карданд. То имрӯз аҳли оилаи мо бо харҷи зиёд барои хӯрок пухтан маводи гуногуни сӯзишворӣ истифода мекард. Хушбахтона, баъди насби ин дастгоҳ ва истеҳсоли биогаз сарфу харҷи зиёдатӣ ба анҷом расид ва мо ҳамарӯза панҷ соат аз ин биогаз истифода менамоем».
Муовини роҳбари Барномаи Рушди Созмони Милали Муттаҳид Лазима Онта Бхата оид ба муаррифии ин лоиҳа ва аҳамияти он гуфт, ки «ин таҷриба дар Тоҷикистон бори аввал амалӣ мегардад. Бешубҳа, амалӣ сохтани он аз бисёр ҷиҳат манфиатовар буда, барои расидан ба яке аз ҳадафҳои асосии мамлакат- рушди иқтисоди «сабз» мусоидат менамояд».
Таҷҳизоти истеҳсоли биогаз аз Ҳиндустон ворид гардидааст, ки ба талаботи стандарти ҷаҳонӣ ҷавобгӯ буда, барои истеҳсоли гази табиӣ муҳим мебошад. Истифодаи гази табиӣ ба ғанӣ гардонидани буҷети оила мусоидат менамояд.
АКС: Мақомоти иҷроияи ҳокимияти давлатии шаҳри Ҳисор
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
