Дар Тоҷикистон амалиёти стентгузории варидӣ гузаронида шуд
ДУШАНБЕ, 13.11.2024 /АМИТ «Ховар»/. Дар Муассисаи давлатии «Маркази ҷумҳуриявии илмии ҷарроҳии дилу рагҳо» амалиёти стентгузории варидӣ бе буриш ва ба тариқи миниинвазивӣ ба бемории трамбози баъди картизатсионии варидҳои чуқури пойҳо гузаронида шуд.
Тавре ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд, ин амалиёт дар шаҳрванди 31-сола, ки беш аз 25 сол гирифтори бемории трамбози баъди картизатсионии варидҳои чуқури пойҳо буд, гузаронида шуд.
Мутахассиси Маркази ҷумҳуриявии илмии ҷарроҳии дилу рагҳо Ҷамшед Раҳмонов, ки ин ҷарроҳиро гузаронид, иброз дошт, ки «бемор то имрӯз ба воситаи доруворӣ табобат мегирифт ва ташхиси ҳозиразамон нишон дод, ки рагҳои хунгарди ӯ аз тарафи пойи рост дар масофаи зиёда аз 10 сантиметр баста шудаанд».
Табобати анъанавии ин гуна беморон чунин буд, ки аз дигар ҷойи пойи худи бемор раги хунгардро гирифта, иваз мекарданд ва ё дар ҳолати дуруст наомадани раги хунгард рагҳои хунгарди синтетикӣ истифода мешуданд.
Бо истифода аз технологияҳои муосир, аз қабили таҷҳизоти ангиография, ки бо дастгирии Ҳукумати Ҷумҳурии Тоҷикистон ба Маркази ҷумҳуриявии илмии ҷарроҳии дилу рагҳо дастрас гардидааст, ба тариқи варид рафта, дар ҷойи тангӣ, ки раги хунгарди пойи рости бемор маҳкам буд, стент гузошта шуд.
Пас аз ҷарроҳӣ аллакай варами пойи бемор гашта, пурхунии варидҳои зери пӯст кам ва захмҳо аллакай рӯ ба мақкамшавӣ овардаанд.
Дар самти бемориҳои рагҳои хунгард бояд гуфт, кибемориҳое ҳастанд, ки ҷараёни бисёр вазнин доранд ва солҳои пеш илоҷи табобати онҳо хеле кам буд. Дар ин гуна беморон аксаран амалиёти ҷарроҳии анъанавӣ гузаронида мешуд ва онҳо солҳои дароз ба воситаи доруворӣ табобат мегирифтанд. Бо сабаби сар задани чандин оризаҳо бархеи онҳо ҳатто маъюб мегардиданд. Солҳои қабл пойҳои ин гуна беморонро бурида мепартофтанд, то онҳоро аз азоб озод кунанд.
Ҳоло дар мамлакат бо ворид гардидани технологияи муосир ва бо истифода аз донишу таҷрибаи мутахассисони соҳа ин беморӣ пурра табобат карда мешавад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
Шаҳноза Ахмедова соҳиби Шоҳҷоизаи Фестивал-озмуни ҷумҳуриявии «Як матову сад ранг» гардид
Дар Дастгоҳи иҷроияи Президенти Ҷумҳурии Тоҷикистон бахшида ба ҷашни 35-солагии Истиқлоли давлатӣ нишасти илмию назариявӣ баргузор гардид
