Дар Ёвон бинои баландошёнаи истиқоматӣ мавриди истифода қарор дода шуд
ДУШАНБЕ, 09.11.2024. /АМИТ «Ховар»/. Дар доираи сафари кории Президенти Ҷумҳурии Тоҷикистон муҳтарам Эмомалӣ Раҳмон ба вилояти Хатлон дар кӯчаи Асадулло Ғуломови ноҳияи Ёвон бинои баландошёнаи истиқоматӣ, ки бо пентхаус ва ҷойгир намудани толори маркази савдою хизматрасонӣ дар ошиёнаи якуму таҳхонаи он ва бо санъати хоси меъморӣ бунёд гардидааст, мавриди истифода қарор дода шуд. Дар ин хусус ба АМИТ «Ховар» дар хадамоти матбуоти Раиси вилояти Хатлон хабар доданд.
Иншооти нав аз 9 ошёна ва 257 хонаи истиқоматӣ иборат буда, аз ҷониби соҳибкори меҳандӯсти ноҳия Мухторхӯҷа Қоризода бунёд гаштааст. Ҳуҷраҳо аз як, ду ва сехонагӣ иборат буда, бо санъати баланди меъморӣ ва шаклу намои зебо рӯи кор омадаанд.
Иттилоъ дода шуд, ки сохтмони бинои истиқоматӣ моҳи ноябри соли 2021 оғоз ёфта, дар идомаи сохтмон зиёда аз 80 сокини маҳалӣ соҳиби ҷойи кори доимӣ ва маоши хуб гардиданд.
Зимни сохтмон ба масъалаҳои сифати маҳсулот ва корҳои анҷомёфта диққати авалиндараҷа зоҳир гардид. Бинои нав ҳамчунин бо истифода аз нақшу нигори миллию замонавӣ оро ёфта, ҳар қисми он бо лифтҳои замонавӣ муҷаҳҳаз гардонида шудааст.
Дар саҳни бинои баландошёна майдончаи бозии кӯдакон бо аттраксионҳо мавҷуд мебошад, ки хушҳолии кӯдаконро комил месозад.
Ҳамчунин дар бинои баландошёна марказҳои хизматрасонию савдо ташкил гардида, зиёда аз 20 нафар бо ҷойи кори доимӣ таъмин шудаанд, ки аксари онҳо занону духтарон мебошанд. Дар ояндаи наздик бо пурра фаъол гаштани марказҳои хизматрасонӣ боз даҳҳо ҷойи нави кор ташкил карда мешавад.
Бунёду мавриди истифода қарор гирифтани чунин марказҳои савдою хизматрасонии замонавӣ талаботи замон буда, дастрасии аҳолиро ба маҳсулоти хушсифати истеъмолӣ таъмин мекунад.
Саҳни иншоот дар шомгоҳ зебову дилрабо буда, майдони бозии кӯдакон ва роҳравҳо пурра чароғон карда шудааст. Худи бинои истиқоматӣ низ бо чароғакҳои ранга зебу оро ёфтааст.
Пас аз шиносоӣ бо имконияти бинои нав Раиси вилояти Хатлон Давлаталӣ Саид ба 3 нафар: омӯзгори ҷавон, сокини ниёзманд ва шахси маъюб калиди ҳуҷраҳои истиқоматиро ройгон тақдим намуд.
Мавриди истифода қарор гирифтани бинои баландошёнаи истиқоматӣ бо 257 хонаи барҳаво идомаи мантиқии сиёсати созандаи Пешвои миллат муҳтарам Эмомалӣ Раҳмон бобати баланд бардоштани сатҳи зиндагии аҳолӣ мебошад. Ҳамзамон бо қомат афрохтани ин бино симои шаҳраки ноҳияи Ёвон боз ҳам зеботару назаррабо гардидааст.
АКС: Хадамоти матбуоти Раиси вилояти Хатлон
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
