Хонандагони шаҳри Ҳисор ғолиби Озмуни ҷумҳуриявии «Илм – фурӯғи маърифат» шуданд
ДУШАНБЕ, 03.11.2024 /АМИТ «Ховар»/. Аз муассисаҳои таҳсилоти миёнаи умумии шаҳри Ҳисор дар даври ниҳоии Озмуни ҷумҳуриявии «Илм-фурӯғи маърифат», ки 30 октябр ҷамъбаст гардид, 11 нафар ғолиби ҷойҳои 1, 2, 3 ва ифтихорӣ гардиданд, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор.
Аз ҷумла, Шаҳзода Розиқова дар номинатсияи химия аз Литсейи тоҷикӣ ва русии «Ҳотам ва ПВ» ҷойи якум, Ҷонибек Исмоилов дар номинатсияи биология аз Муассисаи давлатии «Мактаби президентӣ барои хонандагони болаёқат дар шаҳри Ҳисор» ва Олимҷон Тухтаров дар номинатсияи математика аз Литсейи тоҷикӣ ва русии «Ҳотам ва ПВ» ҷойи дуюм, Ашраф Раҳимов дар номинатсияи физика аз Муассисаи давлатии «Мактаби президентӣ барои хонандагони болаёқат дар шаҳри Ҳисор», Равшан Гадоев дар номинатсияи физика аз муассисаи таълимии №10, Абдурауф Абдурасулов ва Муҳаммад Саидмуҳиддинов дар номинатсияи математика, Ислом Самиев дар номинатсияи химия ва Муҳаммад Муҳаммадҷонов дар номинатсияи технологияи иттилоотӣ- ҳар чор аз Литсейи тоҷикӣ ва русии «Ҳотам ва ПВ» ҷойи сеюм ва аз ҳамин муассиса Ардашер Расулов дар номинатсияи технологияи иттилоотӣ ва Хусрав Мансуров дар номинатсияи физика ҷойҳои ифтихориро соҳиб гардиданд. Дар маҷмуъ, аз муассисаҳои таҳсилоти миёнаи умумии шаҳри Ҳисор 37 нафар дар ҳамаи номинатсияҳои озмун иштирок намуд.
Ҳадафи Озмуни ҷумҳуриявии «Илм – фурӯғи маърифат», ки бо Амри Президенти Ҷумҳурии Тоҷикистон гузаронида мешавад, рушду тафаккури техникӣ, васеъ намудани ҷаҳонбинии илмӣ, дастрасӣ пайдо кардан ба техникаву технология, тавсеаи ихтироъкориву навоварӣ, пайвасти илм бо истеҳсолот, ҷалби бештари донишҷӯён ба омӯзиши фанҳои риёзӣ, дақиқ ва табиӣ, ҳамчунин дарёфти истеъдодҳои нав дар ин самтҳо байни донишҷӯён, магистрон, аспирантон, докторантон аз рӯи ихтисос (PhD), унвонҷӯён ва омӯзгорон мебошад.
Инчунин Озмуни ҷумҳуриявии «Илм – фурӯғи маърифат» ба амалӣ гардидани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) равона гардидааст.
АКС: Мақомоти иҷроияи ҳокимияти давлатии шаҳри Ҳисор
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
35-СОЛАГИИ ИСТИҚЛОЛИ ДАВЛАТӢ. Дар Хатлон 341 иншооти соҳаи маориф ба истифода дода мешавад
Барои такмили ихтисоси мураббиёну омӯзгорон фаъолияти таълимӣ аз рӯйи низоми модулӣ оғоз гардид
Олимпиадаи даставӣ барои дарёфти «Ҷоми Сарраёсати маорифи шаҳри Душанбе» доир гардид
НИШАСТИ МАТБУОТӢ. Дар ноҳияи Носири Хусрав фарогирии кӯдакон ба муассисаи томактабӣ 3,2 фоиз зиёд гардидааст
«ИЛМ — ФУРӮҒИ МАЪРИФАТ». Малакаи котибони озмун барои кор бо портали электронӣ такмил дода мешавад
Хонандагони Тоҷикистон дар Олимпиадаи сеюми байналмилалӣ аз фанни зеҳни сунъӣ ду медал ба даст оварданд
