Конститутсия маҳсули андешаи бунёдии миллии халқи Тоҷикистон мебошад
ДУШАНБЕ, 06.11.2024 /АМИТ «Ховар»/. Дар моддаи 13 Конститутсияи Ҷумҳурии Тоҷикистон омадааст, ки «замин, сарватҳои зеризаминӣ, об, фазои ҳавоӣ, олами набототу ҳайвонот ва дигар боигарии табиӣ моликияти истисноии давлат мебошанд ва давлат истифодаи самараноки онҳоро ба манфиати халқ кафолат медиҳад».
Ин аст, ки маҳз бо риояи ин меъёри конститутсионӣ баъди соҳибистиқлол шудани Тоҷикистон бо фармонҳои Президенти Ҷумҳурии Тоҷикистон дар маҷмуъ 75 ҳазор гектар қитъаи замин ба мардум тақсим гардид. Ин қитъаҳои замин дар байни мардум ҳамчун қитъаҳои замини президентӣ маъруфият доранд ва онҳо дар солҳое, ки ҷумҳурӣ буҳрони иқтисодиро паси сар менамуд, барои беҳсозии шароити зисти сокинони мамлакат хеле мусоидат намуданд. Ин матлабро Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода дар ҷамъомади тантанавӣ ба муносибати 30-солагии Конститутсия баён намуд.
Иброз гардид, ки Конститутсияи ҷумҳурии соҳибистиқлоли Тоҷикистон, ки бо ташаббусу ҳидоятҳои Президенти мамлакат муҳтарам Эмомалӣ Раҳмон тариқи раъйпурсии умумихалқӣ қабул гардид, яке аз санадҳои сарнавиштсоз барои мардуми тоҷик ба шумор меравад.
Конститутсия маҳсули андешаи бунёдии миллии халқи Тоҷикистон мебошад, зеро маҳз бо иродаи мардуми ҷумҳурӣ дар вазъияти барои давлату ҷомеа ниҳоят мураккабу ҳассоси таърихӣ якдилона қабул гардида, дар побарҷойии давлат ва низоми идоракунии он нақши ҳалкунанда бозид.
Дар Конститутсия марому мақсади халқи Тоҷикистон, ки аз бунёди ҷомеаи адолатпарвар иборат мебошад, дар асоси арзишҳои милливу умумибашарӣ, аз ҷумла қисми ҷудонашавандаи ҷомеаи ҷаҳон будан, озодӣ ва ҳуқуқи шахсро муқаддас шуморидан, баробарҳуқуқӣ ва дӯстии тамоми миллату халқиятро эътироф намудан, дарки масъулият дар назди наслҳои гузашта, ҳозира ва оянда муайян карда шуд. Моро зарур аст, ки дар партави сиёсати оқилонаи Пешвои миллат муҳтарам Эмомалӣ Раҳмон бо дарки амиқи қарзи муқаддаси фарзандии худ дар назди халқу давлат барои амалишавии ҳадафҳоямон ба хотири ҳифзи дастовардҳои истиқлол ва арзишҳои Конститутсияи мамлакат талош намоем.
АКС: Кумитаи давлатии идораи замин ва геодезии Ҷумҳурии Тоҷикистон
Обуҳавошиносон дар Шанхай шуруъ аз соли 1945 бори нахуст дар моҳи март гармии 30 дараҷаро сабт намуданд
Имрӯз дар Тоҷикистон ҳавои тағйирёбанда пешгӯӣ мешавад
Коршиносони СҲШ оид ба тағйирот дар қонунгузории миллӣ дар соҳаи мубориза бо маводи мухаддир табодули иттилоъ намуданд
«E-license». Иқдоми нав ба сӯи рақамикунонӣ дар Агентии амнияти химиявӣ, биологӣ, радиатсионӣ ва ядроии Тоҷикистон
Толорҳои алоқа – барои ҳама!
Вазири таҳсилоти олӣ, илм ва инноватсияҳои Узбекистон бо донишҷӯёни тоҷик мулоқот намуд
Имсол кишоварзони вилояти Хатлон дар 41 ҳазор гектар кишти пунбадонаи зери плёнка мегузаронанд
Ба Хоҷагии манзилию коммуналии шаҳри Гулистон техникаҳои нав супорида шуд
Муқаддас Султонова: «Дар нақши чаканамон табиати зебои Тоҷикистонро тасвир менамоем»
Имсол дар Тоҷикистон дар чанд гектар кишти пунбадона гузаронида мешавад?
Ҷаласаи 82-юми Шурои маъмурияти роҳҳои оҳани ИДМ дар Душанбе доир мегардад
Дар шаҳри Хоруғ байни наврасон мусобиқаҳои варзишӣ доир гардиданд
