Рӯзи Президент ва солгарди Иҷлосияи XVI Шурои Олӣ дар Суди конститутсионии Ҷумҳурии Тоҷикистон таҷлил гардид
ДУШАНБЕ, 15.11.2024 /АМИТ «Ховар»/. Имрӯз дар Суди конститутсионии Ҷумҳурии Тоҷикистон бахшида ба Рӯзи Президент ва солгарди Иҷлосияи таърихии Шурои Олии Ҷумҳурии Тоҷикистон маҷлиси тантанавӣ бо садо додани Суруди миллӣ оғоз гардид.
Тавре ба АМИТ «Ховар» дар Суди конститутсионӣ хабар доданд, муовини Раиси Суди конститутсионӣ Карим Каримзода иброз дошт, ки Рӯзи Президент ва иҷлосияи таърихии Шурои Олӣ ҳамчун падидаҳои муҳими таърихӣ дар таҳкими пояҳои давлатдории навини тоҷикон нақши сарнавиштсоз доранд.
Таҷлили ин чорабиниҳои муҳим мояи ифтихору ватандӯстӣ ва нишонаи ваҳдатпазирӣ, инчунин рамзи эҳтиром ва арҷ гузоштан ба заҳматҳои содиқонаи Пешвои миллат мебошад.
Бо қабули аввалин Конститутсияи даврони соҳибистиқлолӣ дар Тоҷикистон шакли идоракунии президентии давлат дар сатҳи конститутсионӣ муқаррар гардид.
Рӯзи Президенти Ҷумхурии Тоҷикистон эътироф шудани ин сана ба он вобаста аст, ки аввалин бор дар Тоҷикистон ба тарзи овоздиҳии умумӣ ва мустақим муҳтарам Эмомалӣ Раҳмон Президенти Ҷумҳурии Тоҷикистон итихоб гардида, 16 ноябри соли 1994 бори нахуст дар вазъияти тантанавӣ савганд ёд намуданд.
Гузашта аз ин дар ҳамин рӯзи таърихӣ- 16 ноябри соли 1992 дар раванди Иҷлосияи таърихию сарнавиштсози XVI Шурои Олии Ҷумҳурии Тоҷикистон муҳтарам Эмомалӣ Раҳмон ба ҳайси Роҳбари давлати навистиқлоли Тоҷикистон – Раиси Шурои Олии Ҷумҳурии Тоҷикистон интихоб гардиданд.
Воқеият собит намуд, ки гузаштан ба шакли идоракунии президентӣ ҳамчун намунаи возеҳи шакли идоракунии самаранок сабаби наҷоти давлат ва миллати тоҷик, инчунин омили инкишофи тамоми соҳаҳои зарурии ҳаётӣ гардид.
Иҷлосияи XVI Шурои Олии Ҷумҳурии Тоҷикистон дастоварди муҳими замони соҳибистиқлолӣ ба ҳисоб рафта, барои гузаштан ба марҳилаи нави инкишофи ҷомеа ва давлати миллии мо заминаи воқеӣ ба вуҷуд овард. Ин иҷлосия тавонист тамоми неруҳои сиёсӣ ва иҷтимоии ҷумҳуриро дар марҳилаи ҳассоси таърихӣ ба ҳам оварад.
Имрӯз бо гузашти зиёда аз се даҳсола бо итминони комил метавонем гуфт, ки тамоми дастовардҳо ва пешрафтҳои беназире, ки давлат ва миллати тоҷик ба он мушарраф гардидааст, бо шарофати заҳматҳои шабонарӯзӣ ва иқдоми пайгиронаи Пешвои миллат муҳтарам Эмомалӣ Раҳмон ба амал омадаанд.
Дар ҳамоиш дар мавзуъҳои «Президенти Тоҷикистон-ҳомии Конститутсия, ҳуқуқ ва озодиҳои инсон ва шаҳрванд», «Иҷлосияи 16-ум ва нақши он дар таҳкими давлатдории навин» ва «Нақши Эмомалӣ Раҳмон ва мақоми ҳуқуқӣ – конститутсионии Президент дар рушди давлатдории миллӣ» маърузаҳо пешниҳод гардиданд.
АКС: Суди конститутсионии Ҷумҳурии Тоҷикистон
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
