РАҚС МОРО МУТТАҲИД МЕКУНАД». Имрӯз дар Тоҷикистон Фестивали байналмилалии рақс оғоз мегардад

ДУШАНБЕ, 12.11.2024. /АМИТ «Ховар»/. Имрӯз, соати 17:30 дар Театри давлатии академии опера ва балети ба номи Садриддин Айнӣ Фестивали байналмилалии «Рақс моро муттаҳид мекунад» оғоз мегардад.

Тавре дар Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, имсол дар фестивал ансамлбҳои рақсии панҷ давлати ҷаҳон: Тоҷикистон, Узбекистон, Қазоқистон, Русия ва Молдова ҳунарнамоӣ менамоянд.

Дар фестивал тамоми дастаҳои рақсии шаҳри Душанбе, вилоятҳои Хатлону Суғд ва Вилояти Мухтори Кӯҳистони Бадахшон ҳунари рақсии худро муаррифӣ мекунанд.

Дар доираи фестивал бо иштироки ҳунармандони давлатҳои иштирокчӣ дарси маҳорат баргузор мегардад.

Фестивали байналмилалии «Рақс моро муттаҳид менамояд» тибқи нақшаи барномаҳои Вазорати фарҳанги Ҷумҳурии Тоҷикистон бо мақсади таҳкиму густариши робитаҳои судманди фарҳангӣ бо давлатҳои хориҷӣ, табодули таҷриба ва дар ин замина муаррифии бештари санъату ҳунари миллӣ баргузор мешавад.

13 ноябр дар Театри давлатии академии опера ва балети ба номи Садриддин Айнӣ маросими пӯшидавии фестивал доир гардида, барои иштироки фаъолона ба ансамблҳои рақсӣ Диплом ва Сипоснома тақдим карда мешавад.

АКС: Вазорати фарҳангии Ҷумҳурии Тоҷикистон