СОЛҲОИ РУШДИ САНОАТ. Дар корхонаҳои шаҳри Бӯстон санҷиш гузаронида мешавад
ДУШАНБЕ, 02.11.2024. /АМИТ «Ховар»/. Дар шаҳри Бӯстон бо мақсади саҳмгузорӣ дар таъмини ҳадафи чоруми миллӣ — саноатикунонии босуръати мамлакат ва бахшида ба Солҳои рушди саноат (2022-2026) гурӯҳи корӣ ташкил гардидааст, ки фаъолияти корхонаҳои саноатии шаҳрро мавриди санҷиш қарор медиҳад. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Бӯстон хабар доданд.
Ҳадафи асосии гурӯҳи корӣ бурдани корҳои тарғиботӣ байни кормандони корхонаҳои саноатӣ вобаста ба баланд бардоштани сатҳу сифати истеҳсолот, афзун намудани иқтидори истеҳсолӣ, муҳайё намудани ҷойҳои нави кор ва фароҳам овардани шароити мусоиди корӣ мебошад.
Дар доираи фаъолият гурӯҳи корӣ бо фаъолияти корхонаи истеҳсоли қубурҳои полиэтилении Ҷамъияти дорои масъулияти маҳдуди «Мироб» шинос гардида, барои истеҳсоли маҳсулоти рақобатпазир ва воридотивазкунанда тавсияҳои муфид дод.
Ёдовар мешавем, ки корхонаи истеҳсоли қубурҳои полиэтилении Ҷамъияти дорои масъулияти маҳдуди «Мироб» 6 июли соли 2022 аз ҷониби Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавриди истифода қарор гирифта буд.
Корхона ба истиқболи 35-солагии Истиқлоли давлатӣ ва Солҳои рушди саноат бунёд гардидааст.
Дар корхона 16 намуд қубури полиэтилении қутрашон аз 15 то 315-миллиметра истеҳсол мешавад. Дарозии қубурҳо вобаста ба қутрашон аз 6 то 100 метр мебошад.
Иқтидори истеҳсолии корхонаи саноатӣ дар як шабонарӯз аз 400 то 500 метр ва дар як сол аз 50 то 60 ҳазор метр қубурҳои полиэтилении босифат мебошад.
Тибқи маълумоти мутахассисон, қубурҳои полиэтилении истеҳсоли корхонаи нав аз лиҳози намуд ва сифат ба талаботи байналмилалӣ ҷавобгӯ буда, дар бозорҳо рақобатпазир мебошанд.
Дар раванди татбиқи ҳадафи чоруми миллӣ — саноатикунонии босуръати мамлакат сармоягузорону соҳибкорони ватанӣ саҳми арзишманд мегузоранд. Ин тадбир ба афзоиши истеҳсолоти худӣ ва таъмини сокинон бо ҷои кору маоши хуб заминаи воқеӣ мегузорад.
АКС: Мақомоти иҷроияи ҳокимияти давалтии шаҳри Бӯстон
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Одил Дониш хостори тақвияти ҳамкорӣ бо Тоҷикистон гардидааст
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат коргоҳи коркарди моҳии ҶДММ «Баҳор»-ро ифтитоҳ намуданд
Сарвари давлат Эмомалӣ Раҳмон дар шаҳри Ваҳдат корхонаи истеҳсолии «Алянс мебел»-ро мавриди истифода қарор доданд
Дар вилояти Суғд Парки саноатии металлургияи ранга таъсис дода мешавад
