Таҷлили 30-солагии Конститутсияи Ҷумҳурии Тоҷикистон дар Ҷумҳурии Беларус
ДУШАНБЕ, 06.11.2024 /АМИТ «Ховар»/. 5 ноябр дар Сафорати Ҷумҳурии Тоҷикистон дар Ҷумҳурии Беларус бахшида ба 30-солагии қабули Конститутсияи Тоҷикистони ҷамъомади тантанавӣ баргузор гардид. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Беларус хабар медиҳад.
Дар чорабинӣ донишҷӯёни тоҷик, ки дар муассисаҳои олии Беларус таҳсил мекунанд, намояндагони иттиҳодияи ҷамъиятии байналмилалии тоҷикон “Сомониён” ва кормандони Сафорат иштирок намуданд.
Сафири фавқулода ва мухтори Ҷумҳурии Тоҷикистон дар Ҷумҳурии Беларус Бахтовар Сафарзода ба ҳозирин дар бораи мавқеи Конститутсия дар низоми идоракунии давлатӣ ва соҳибихтиёрии мамлакат, суръат бахшидан ба раванди таъмини сулҳу ваҳдати миллӣ, инчунин нақши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар таҳкими Конститутсия ва таъмини волоияти он сухан гуфт.
Дар анҷоми вохӯрӣ роҷеъ ба асосҳои Конститутсияи Ҷумҳурии Тоҷикистон викторина баргузор гардид, ба ғолибон туҳфаҳои хотирмон тақдим карда шуд.
АКС: Сафорати Ҷумҳурии Тоҷикистон дар Ҷумҳурии Беларус
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
