Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
ДУШАНБЕ, 27.11.2024 /АМИТ «Ховар»/. 27 ноябр ҳайати намояндагони мақомоти иҷроияи ҳокимияти давлатии ноҳияи Данғараи вилояти Хатлон дар шаҳри Ичони вилояти Кёнгидои Ҷумҳурии Корея бо фаъолияти гармхонаи ҳушманди «Smart Farm Essence» шинос шуданд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Корея хабар медиҳад.
Зимни шиносои оид ба имконият ва истифодаи технологияҳои ҳушманд барои истеҳсоли маҳсулоти кишоварзӣ маълумоти муфассал пешниҳод гардида, амали намудани ин таҷриба дар Тоҷикистон баррасӣ шуд.
Инчунин 27 ноябр ҳайати мазкур бо фаъолияти корхонаҳои истеҳсолии маҳсулоти хӯрокворӣ ва нӯшокӣ “Solfood” ва “FB Shinyoung”-и шаҳри Ҳесонги вилояти Канвон-дои Ҷумҳурии Корея шинос шуданд.
Зимни шиносоӣ аз корхонаҳои истеҳсолии Ҷумҳурии Корея масоили роҳандозии ҳамкориҳои дуҷониба, аз ҷумла ҷалби сармоя ва омӯзиши технологияҳои навин баррасӣ шуданд.
Ёдовар мешавем, ки ҳайати намояндагони мақомоти иҷроияи ҳокимияти давлатии ноҳияи Данғараи вилояти Хатлон ва Минтақаи озоди иқтисодии Данғара дар нахустин Форуми ҳамкории ҳукуматҳои маҳаллии давлатҳои Осиёи Марказӣ-Ҷумҳурии Корея дар Сеул иштирок намуданд.
Зимни ҳамоиш масъалаҳои густариши ҳамкории байниминтақавии Тоҷикистон бо минтақаҳои Корея баррасӣ шуданд.
Ба иштирокдорон дар бораи имконоти ноҳияи Данғара, аз ҷумла маълумоти муфассал оид ба Минтақаи озоди иқтисодии «Данғара» пешниҳод гардид.
АКС: Сафорати Ҷумҳурии Тоҷикистон дар Ҷумҳурии Корея
«IT HUB DUSHANBE». Бо бунёди ин маҷмаа Душанбе ба шаҳри интелектуалӣ, рақамӣ ва инноватсионии Осиёи Марказӣ табдил меёбад
НИШАСТИ МАТБУОТӢ. Хадамоти зиддиинҳисорӣ ба маблағи 1,7 миллион сомонӣ вайронкунии қонунгузории зиддиинҳисориро ошкор намуд
Аз Тоҷикистон дар ҳаҷми беш аз 4298 тонна ангур содирот шудааст
Дар назди Агентии инноватсия ва технологияҳои рақамӣ Маркази ҳифзи маълумот таъсис дода шуд
Дар Форуми сиёсии сатҳи баланд оид ба рушди устувори СММ мавқеи Тоҷикистон оид ба рушди устувор муаррифӣ шуд
Дар Душанбе Машварати чоруми вазирони саноати давлатҳои аъзои Созмони ҳамкории иқтисодӣ доир мешавад
Дар шаҳри Сиани Чин ҳамоиши соҳибкорони вилояти Суғд ва музофоти Шэнсӣ баргузор гардид
НИШАСТИ МАТБУОТӢ. Дар нимсолаи якуми соли 2026 ба Тоҷикистон 889,4 ҳазор сайёҳи хориҷӣ омадааст
Аз Тоҷикистон ба маблағи беш аз 40 миллион доллар маҳсулоти кишоварзӣ содирот шудааст
Дар ноҳияи Шуғнон беш аз 720 оилаи занбӯри асал парвариш карда мешавад
35-СОЛАГИИ ИСТИҚЛОЛИ ДАВЛАТӢ. Дар Душанбе Озмоишгоҳи нави ҷумҳуриявии санҷиши сифати маҳсулоти кишоварзӣ ба истифода дода мешавад
Ҳамкории вилояти Суғд бо ширкатҳои чинӣ густариш меёбад
