ТАҚВИМИ АМИТ «ХОВАР»: имрӯз 19 ноябр, сешанбе, 324-умин рӯзи соли 2024 аст

19 ноябри соли 2011 Президенти Ҷумҳурии Тоҷикистон муҳтарам Эмомалӣ Раҳмон дар маҷлиси тантанавӣ бахшида ба 60-солагии Академияи илмҳои Ҷумҳурии Тоҷикистон (ҳоло Академияи миллии илмҳои Тоҷикистон) суханронӣ намуданд.

***

12 сол пеш, 19 ноябри соли 2012 дар ноҳияи Бобоҷон Ғафуров бо иштироки Президенти мамлакат муҳтарам Эмомалӣ Раҳмон дар паҳлуи чапи Қасри фарҳанги Арбоб Маркази муҳташами фарҳангию фароғатӣ, ки бо нақшу нигори зебову дилкаш дар болои чӯб, санг, гаҷ ва оина оро ёфтааст, мавриди истифода қарор гирифт.

***

19 ноябри соли 2017 Пешвои миллат муҳтарам Эмомалӣ Раҳмон дар ноҳияи Бобоҷон Ғафурови вилояти Суғд дар маҷлиси тантанавӣ ва ҷамъомади идона ба ифтихори ҷашни 25-солагии Иҷлосияи таърихии 16-уми Шурои Олии Ҷумҳурии Тоҷикистон иштирок ва суханронӣ намуданд.

***

Дар ин рӯзи соли 2018 Вазири корҳои дохилии Ҷумҳурии Тоҷикистон дар ҷаласаи 87-уми Ассамблеяи генералии «Интерпол» иштирок намуд.

***

19 ноябри соли 2020 ба манзури омодагӣ ба Форуми 13-уми ҳамкории Осиёи Марказӣ ва Ҷумҳурии Корея, ки 25 ноябри соли 2020 дар Сеул дар сатҳи вазирони корҳои хориҷӣ баргузор шуд, мулоқоти видеоии муовинони вазирони корҳои хориҷии давлатҳои Осиёи Марказӣ ва Ҷумҳурии Корея баргузор шуд.

***

19 ноябри соли 2021 Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бинои нави маъмурии Мақомоти иҷроияи ҳокимияти давлатии ноҳияи Синоро ифтитоҳ намуданд.

***

Дар ин рӯзи соли 2022 дар шаҳри Душанбе таҳти унвони «Рушди соҳибкории занон» дар доираи  ЭКСПО 2022 ҳамоиши минтақавӣ баргузор гардид.

***

19 ноябри соли 2023 дар доираи сафари кории Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд дар деҳаи Дарғи деҳоти Шамтучи ноҳияи Айнӣ майдони Парчами давлатии Ҷумҳурии Тоҷикистон мавриди истифода қарор гирифт

19 НОЯБР:

Рӯзи байналмилалии мардҳо

 ДАР ИН РӮЗ ТАВАЛЛУД ШУДААНД:

Фирӯз Баҳор — соли 1942— оҳангсози касбии тоҷик, Ходими шоистаи ҳунари Тоҷикистон (1991). Узви Иттифоқи композиторони Тоҷикистон.