Тоҷикистон ва Туркия ҳамкориро дар соҳаи саноат тақвият медиҳанд
ДУШАНБЕ, 01.11.2024 /АМИТ «Ховар»/. Масъалаҳои марбут ба рушди ҳамкорӣ дар бахши истихроҷи маъдан, бахусус иштироки ширкатҳои бузурги туркӣ дар корҳои геологӣ ва коркарди маъдан дар Тоҷикистон дар мулоқоти Вазири саноат ва технологияҳои нави Ҷумҳурии Тоҷикистон Шералӣ Кабир бо муовини вазири энергетика ва захираҳои маъдании Ҷумҳурии Туркия Ахмет Берат Чоркар дар шаҳри Душанбе баррасӣ шуданд.
АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон иттилоъ медиҳад, ки мулоқот дар доираи нахустин Форуми байналмилалии сармоягузории маъдан ва металлургия ва намоишгоҳи Тоҷикистон баргузор гардида, ҷонибҳо изҳор доштанд, ки барои густариши ҳамкорӣ дар чаҳорчӯби муқаррароти комиссияи байниҳукуматӣ имконоти васеъ вуҷуд доранд. Ҷонибҳо азм намудаанд, ки ҳамкориро дар бахшҳои гуногуни саноат, аз ҷумла истихроҷи маъдан, кимиё, сохтмон ва соҳаи технологияҳои нав густариш диҳанд.
Инчунин ҷониби Туркия даъват шуд, ки имкони таъсиси Парки саноатии Тоҷикистон ва Туркия барои ташкили корхонаи муштараки истеҳсоли панелҳои офтобӣ ва инвертерҳои офтобӣ, истеҳсоли масолеҳи сохтмонӣ бо ҷалби сармоя ва мутахассисони баландпояро аз Туркия баррасӣ намояд.
Мусоҳибон оид ба пайдо намудани роҳҳои нави ҳамкории тиҷоратию иқтисодӣ гуфтугӯи судманду гуногунҷабҳа анҷом доданд.
АКС: Вазорати саноат ва технологияҳои нави Ҷумҳурии Тоҷикистон
Дар Туркманистон ҷаласаи 95-уми Комиссияи байнидавлатии ҳамоҳангсозии хоҷагии обии Осиёи Марказӣ доир шуд
«Саноатсодиротбонк» ба натиҷаҳои назарраси молиявӣ ноил гардид
Бунёди зеристгоҳи нави барқии 220 кВ дар шаҳри Душанбе ва таҷдиду навсозии НБО «Варзоб-2» баррасӣ гардид
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Дар ноҳияи Восеъ иншооти гуногуни иҷтимоӣ ба истифода дода шуданд
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
