Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
ДУШАНБЕ, 27.11.2024 /АМИТ «Ховар»/. 26 ноябр дар шаҳри Риёзи Арабистони Саудӣ Вазири энергетика ва захираҳои оби Ҷумҳурии Тоҷикистон Далер Ҷумъа дар ҳошияи Конфронси 28-уми ҷаҳонии сармоягузорӣ дар чорабинии канорӣ, ки таҳти унвони «Диверсификатсияи манбаъҳои энергия: суръат бахшидан ба сармоягузории мустақими хориҷии лоиҳаҳои энергетикӣ ва маъданҳо» баргузор шуд, иштирок намуд.
Тавре АМИТ «Ховар» бо истинод ба Вазорати энергетика ва захираҳои об хабар медиҳад, Далер Ҷумъа ба ҳадафҳои калидии бахши энергетика, ки дар «Стратегияи миллии рушди Ҷумҳурии Тоҷикистон барои давраи то соли 2030» муайян шудааст, ишора намуда, иброз дошт, ки расидан ба ҳадафҳои калидии бахши энергетика аз рӯйи консепсияи 10/10/10/10 амалӣ мешавад. Тибқи онҳо афзоиши иқтидори лоиҳавии низоми электроэнергетика ба 10 ГВт расонида хоҳад шуд.
Таъкид гардид, ки Тоҷикистон дорои захираҳои бузурги энергетикӣ буда, неруи барқ асосан дар неругоҳҳои барқи обӣ истеҳсол мешавад. Истеҳсоли неруи барқ аз ҳисоби манбаъҳои барқароршаванда, аз ҷумла офтобию бодӣ дар ҳоли рушд қарор дорад.
Баргузории чорабинӣ дар пешбурди ҳамкорӣ ва ҷалби сармоягузории хориҷӣ ба лоиҳаҳои энергетикии ҷумҳурӣ муҳим мебошад.
АКС: Вазорати энергетика ва захираҳои оби Ҷумҳурии Тоҷикистон
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
