Вобаста ба мавзуи ҳифзи сирри давлатӣ дар воситаҳои ахбори омма машварати омӯзишӣ доир шуд
ДУШАНБЕ, 28.11.2024 /АМИТ «Ховар»/. Муҳимтарин масъалаҳои соҳаи ҳифзи сирри давлатӣ ва муносибати кормандони воситаҳои ахбори омма нисбат ба онҳо имрӯз дар машварати омӯзишӣ барои рӯзноманигорон, ки дар мавзуи «Масъалаҳои таъмини ҳифзи сирри давлатӣ дар матбуот ва дигар воситаҳои ахбори омма дар Ҷумҳурии Тоҷикистон» доир шуд, баррасӣ гардид.
Тавре мухбири АМИТ «Ховар» хабар медиҳад, машварати омӯзишӣ бо ҷалби рӯзноманигорон аз ҷониби Саридораи ҳифзи сирри давлатии назди Ҳукумати Ҷумҳурии Тоҷикистон баргузор шуд.
Иброз гардид, ки маълумоте, ки ба сирри давлатӣ мансуб мебошад, дар моддаҳои 13-18-и Қонуни Ҷумҳурии Тоҷикистон «Дар бораи сирри давлатӣ» оварда шудааст.
Аз ҷумла, дар Қонуни Ҷумҳурии Тоҷикистон «Дар бораи нусхаи ҳатмии ҳуҷҷатҳо» омадааст, ки он тартиби ташаккули нусхаи ҳатмии ҳуҷҷатҳоро ҳамчун манбаи захиравии мукаммалсозии фонди миллии китобхонавӣ ва иттилоотии Ҷумҳурии Тоҷикистон муайян намуда, муносибатҳои ҷамъиятиро оид ба таъмини нигоҳдории нусхаи ҳатмии ҳуҷҷатҳо ва истифодаи ҷамъиятии онҳо, инчунин муҳлат ва тартиби дастрас гардонидани нусхаи ҳатмии ҳуҷҷатҳо ба танзим медарорад.
Ҳамчунин доир ба ҷаҳонишавӣ ва нақши воситаҳои ахбори омма дар раванди он, қонунгузории Ҷумҳурии Тоҷикистон дар соҳаи ҳифзи сирри давлатӣ ва ҳифзи техникии иттилоот, тадбирҳои қонунӣ ва масъулияти риояи он, Қонуни Ҷумҳурии Тоҷикистон «Дар бораи сирри давлатӣ» ва масъалаҳои ҳифзи сирри давлатӣ дар матбуот ва дигар воситаҳои ахбори омма маърузаҳо шунида шуданд.
Ёдовар мешавем, ки Қонуни Ҷумҳурии Тоҷикистон «Дар бораи сирри давлатӣ» аз 26 июли соли 2014 дар мамлакат масъалаҳои муҳими мансуб ба соҳаи сирри давлатиро танзим менамояд.
АКС: АМИТ «Ховар»
Бахшида ба 30-солагии Ҳизби Халқи Демократии Тоҷикистон маҳфили илмӣ-фарҳангӣ доир шуд
Бахшида ба Соли маърифати ҳуқуқӣ дар Хадамоти гумрук ҷаласа баргузор шуд
Ҳамкории минтақаҳои аз силоҳи ҳастаӣ озод ба таҳкими амнияти глобалӣ мусоидат менамояд
Муқовимат ба коррупсия омили рушди фардои босаодат аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
Тавсеи ҳамкории дуҷониба байни Тоҷикистон ва Шоҳигарии Муттаҳидаи Британияи Кабир баррасӣ шуд
Оид ба баланд бардоштани сатҳи таълиму тарбия дар муассисаҳои таҳсилоти ибтидоӣ ва миёнаи касбии Хатлон ҷаласа доир гардид
Вобаста ба инноватсия, мушкилоти экологӣ ва технологияҳои каммасраф дар нақлиёт конференсия доир шуд
Доир ба мақомоти гумрук ва нақши он дар таъмини бехатарии иқтисодӣ конференсияи байналмилалӣ баргузор гардид
Тарофаи «Диёр 55» тарофаи дӯстдоштаи муштариёни «Анор» шуд
Донишгоҳи давлатии Кӯлоб ва Коллеҷи тиббӣ ба фасли зимистон омода шудаанд
Дар Мурғоб ва Ванҷ Озмуни ҷумҳуриявии «Беҳтарин оилаи ҳунарманд» баргузор гардид
