Бахшида ба 30-солагии Ҳизби Халқи Демократии Тоҷикистон маҳфили илмӣ-фарҳангӣ доир шуд
ДУШАНБЕ, 06.12.2024. /АМИТ «Ховар»/. Ҳизби Халқии Демократии Тоҷикистон зери сарварии Президенти Ҷумҳурии Тоҷикистон муҳтарам Эмомалӣ Раҳмон имрӯз ба неруи созандаю бунёдкор ва масъулиятшинос табдил ёфтааст. Чунин изҳор дошт ректори Донишкадаи давлатии фарҳанг ва санъати Тоҷикистон ба номи Мирзо Турсунзода, доктори илмҳои филологӣ, профессор Муҳриддин Низомӣ имрӯз зимни баргузории маҳфили илмӣ-фарҳангии «Ҳизби Халқии Демократии Тоҷикистон -мактаби ваҳдатофару фарҳангсози Пешвои миллат», иттилоъ медиҳад АМИТ «Ховар».
Таъкид гардид, ки вобаста ба ҷаҳони зудтағйирёбандаи муосир аъзои ҳизбро зарур аст, ки фаъолияташонро бозбинӣ намуда, дар муборизаҳои иттилоотӣ барои ҳимояи манфиатҳои миллӣ пешқадаму фаъол бошанд. Обрӯ ва нуфузи Ҳизби Халқии Демократии Тоҷикистон дар ҷомеаи мамлакат ва берун аз он бо хизматҳои хастагинопазири Пешвои миллат, Раиси ҳизб муҳтарам Эмомалӣ Раҳмон маъруф мебошад.
Иттилоъ дода шуд, ки дар донишкада ташкилоти ибтидоии «Оламафрӯз»-и Ҳизби Халқии Демократии Тоҷикистон дар ноҳияи Синои шаҳри Душанбе фаъолият менамояд, ки беш аз 279 нафар аъзои ҳизбро дар худ муттаҳид намудааст. Зарурати таъсиси он маҳз ҳифзи якпорчагии Ватан, нигоҳ доштани ваҳдати миллӣ, таъмини ҳуқуқи шаҳрвандон ва дар маҷмуъ, амалӣ сохтани ормонҳои миллии ҳар фарди тоҷик мебошад.
Котиби ташкилоти ибтидоии «Оламафрӯз»-и Ҳизби Халқии Демократии Тоҷикистон дар ноҳияи Сино Зафари Шариф изҳор намуд, ки омӯзиши мактаби сиёсии Пешвои миллат моро водор месозад, ки дар самти татбиқи рукнҳои илмии Ҳизби Халқии Демократии Тоҷикистон мунтазам ҳамоишҳо доир намуда, чораҳои мушаххасро амалӣ намоем ва асосҳои ин мактабро дар байни ҷомеа тарғиб намоем.
«Ҳизби Халқии Демократии Тоҷикистон принсипҳои демократӣ, иҷтимоӣ, ҳуқуқбунёдӣ ва дунявӣ доштани давлатро асоси кор қарор дода, ба муқобили ҳар гуна зуҳуроти номатлуби иҷтимоӣ, аз ҷумла терроризм, экстремизми сиёсӣ, сепаратизм, ҷинояткории муташаккилона, нашъамандӣ, маҳалгароӣ, бадбинии иҷтимоӣ ва мазҳабӣ мубориза мебарад. Ин кор бояд ҳамеша вазифаи ҷонии ҳар аъзои ҳизб дониста шавад», — гуфт ӯ.
АКС: АМИТ «Ховар»
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид
«ПРЕЗИДЕНТ — КАФИЛИ ДАВЛАТИ ҲУҚУҚБУНЁДУ ДЕМОКРАТӢ». Дар ин мавзуъ конференсияи ҷумҳуриявӣ доир шуд
