Дар Бохтар машғулияти такмили ихтисос барои муҳандисони заминсоз ҷамъбаст шуд
ДУШАНБЕ, 03.12.2024 /АМИТ «Ховар»/. 30 ноябр дар Мақомоти иҷроияи ҳокимияти давлатии шаҳри Бохтар барои сармутахассисон (муҳандисони заминсоз)-и ҷамоатҳои шаҳрак ва деҳоти шаҳру ноҳияҳои минтақаи Бохтари вилояти Хатлон дар мавзуи «Сиёсати аграрии Ҷумҳурии Тоҷикистон» машғулияти сайёри такмили ихтисос ҷамъбаст гардид.
Тавре АМИТ «Ховар» бо истинод ба Академияи идоракунии давлатии назди Президенти Ҷумҳурии Тоҷикистон хабар медиҳад, дар машғулият мавзуъҳои таъмини амнияти озуқаворӣ, ҳадафҳои стратегии Ҷумҳурии Тоҷикистон, нақши Кумитаи бехатарии озуқавории назди Ҳукумати Ҷумҳурии Тоҷикистон дар сиёсати давлатии бехатарии озуқаворӣ, ҳамгироии ҳадафҳои рушди устувор дар «Стратегияи миллии рушди Ҷумҳурии Тоҷикистон барои давраи то соли 2030», татбиқи сиёсати Пешвои миллат ва нақши он дар рушди иқтисодиёти миллӣ, ташхиси бехатарии маҳсулоти озуқаворӣ ва амсоли инҳо пешкаши шунавандагон гардиданд.
Ҳамзамон барои шунавандагон вобаста ба мавзуъҳои Паёми Президенти Тоҷикистон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ», шарҳи Кодекси одоби хизматчии давлатии Ҷумҳурии Тоҷикистон, заминаҳои ҳуқуқии хизмати давлатӣ дар Ҷумҳурии Тоҷикистон, мутобиқшавии иҷтимоию психологии хизматчиёни давлатӣ, нақши хизматчиёни давлатӣ дар пешгирии гаравиши ҷавонон ба ҳизбу ҳаракатҳои экстремистӣ, коргузорӣ ва ҳуҷҷатнигорӣ дар мақомоти давлатӣ машғулият гузаронида шуд.
Дар фарҷоми машғулият дар мавзуи «Сиёсати аграрии Ҷумҳурии Тоҷикистон: ҳолат ва дурнамо» бо иштироки устодон ва мутахассисони соҳа ҳамоиш доир шуд.
АКС: Академияи идоракунии давлатии назди Президенти Ҷумҳурии Тоҷикистон
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
