Дар Бонки миллӣ лоиҳаи пилотӣ оид ба барориши вомбаргҳо барои бартараф намудани оқибати офатҳои табиӣ муҳокима шуд
ДУШАНБЕ, 12.12.2024 /АМИТ «Ховар»/. 10 декабр дар мулоқоти муовини Раиси Бонки миллии Тоҷикистон Сироҷиддин Икромӣ бо ҳайати Бонки Осиёии рушд таҳти роҳбарии мудири молия (суғуртаи офатҳои табиӣ)-и гурӯҳи бахши молиявии бонк Томас В. Кесслер лоиҳаи барориши вомбаргҳо барои бартараф намудани оқибати офатҳои табиӣ (Disaster Relief Bond (DRB)) аз ҷониби Бонки Осиёии рушд барои Ҷумҳурии Тоҷикистон мавриди баррасӣ қарор гирифт. Дар ин хусус АМИТ «Ховар» бо истинод ба Бонки миллии Тоҷикистон хабар медиҳад.
Зимни мулоқот гуфта шуд, ки бинобар тағйирёбии иқлим дар минтақа солҳои охир афзоиши офатҳои табиӣ ба мушоҳида мерасад. Вокуниш ба онҳо ва барқарорсозии зарар захираҳои назарраси молиявӣ талаб менамояд. Дар навбати худ захираҳои ҷорӣ аксар вақт барои қонеъ кардани ниёзҳо кофӣ набуда, зарурати дарёфти воситаҳои нави молиявӣ пеш меояд. Лоиҳаи Disaster Relief Bond барои коҳиш додани осебпазирии ҷисмонӣ ва молиявӣ дар ҳолати тағйирёбии иқлим ва рӯй додани офатҳои табиӣ пешбинӣ шуда, ҳамчун механизми суғуртавии муҳофизатӣ истифода мешавад.
Ҳамзамон гуфта шуд, ки барориши чунин намуди коғазҳои қиматнок ҷалби босуръати захираҳои зарурии молиявӣ ва кам кардани сарбориро ба буҷети давлатӣ таъмин намуда, ҳангоми ба амал омадани офатҳои табиӣ ҳамчун манбаи пардохтпазирии фаврӣ хизмат мекунад.
Дар вохӯрӣ ҷонибҳо инчунин оид ба механизми татбиқи ин лоиҳа дар Ҷумҳурии Тоҷикистон, ҳамкории ҷонибҳои манфиатдор, аз ҷумла мақомоти давлатӣ, ширкатҳои хусусӣ ва созмонҳои байналмилалӣ табодули афкор намуда, масъалаҳои мавриди таваҷҷуҳро баррасӣ карданд.
АКС: Шуъбаи матбуоти Бонки миллии Тоҷикистон
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
Президенти Тоҷикистон таъмини амнияти озуқавориро масъалаи стратегӣ ва ҳаётан муҳим номиданд
Сарвари давлат Эмомалӣ Раҳмон дар маҷлиси Ҳукумат ба масъулон барои коҳиши фоизи қарзҳо ва рушди пардохтҳои ғайринақдӣ дастур доданд
Тоҷикистон ба ҷомеаи рақамии пешрафта бо иқтисоди инноватсионии рақобатпазир табдил меёбад
ҚУРБИ АСЪОР: 1 доллари ИМА аз 9.4025 то 9.4200 сомонӣ муқаррар шудааст
Дар Барселона имконоти сармоягузории Тоҷикистон муаррифӣ гардид
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
