Дар бозорҳои шаҳри Хоруғ бо мақсади пешгирӣ аз сӯхтор санҷиш гузаронида шуд
ХОРУҒ, 04.12.2024 /АМИТ «Ховар»/. Мутахассисони қисми 16-уми шуъбаи Хадамоти оташнишонии шаҳри Хоруғ дар ҳамкорӣ бо дигар ниҳодҳо бо мақсади пешгирӣ аз сӯхтор ва риояи қоидаҳои бехатарӣ аз он дар бозори «20-солагии Истиқлол»-и шаҳр санҷиш гузаронида, бо соҳибкорону тоҷирон доир ба пешгирӣ аз сӯхтор дар фасли зимистон мулоқоту суҳбат намуданд.
«Бо фаро расидани фасли сармо истифода аз таҷҳизоти мухталифи барқӣ, ҳамчунин ҳезуму ангиштсанг бамаротиб афзуда, эҳтимоли ба амал омадани сӯхтор низ зиёд мегардад. Аз ин рӯ мутахассисони шуъба дар идораю муассисаҳои иҷтимоию иқтисодӣ корҳои фаҳмондадиҳӣ ва машқҳои тактикӣ мегузаронанд», — гуфт муовини сардори қисми 16-уми шуъбаи Хадамоти оташнишонии шаҳри Хоруғ Абдураҳмон Мулкамонзода ба хабарнигори АМИТ «Ховар».
Чунин корҳои фаҳмондаҳӣ дар бозори «20-солагии Истиқлол»-и шаҳр доир шуда, вазъи омодагӣ ба фасли зимистон дар марказҳои калони тиҷоратӣ, корхонаҳои хурди саноатӣ, мағозаҳо ва ошхонаю дӯконҳо мавриди санҷиш қарор гирифт. Сабаби аслии аксар ҳодисаҳои сӯхтор дар бозору марказҳои тиҷоратӣ истифодаи нодурусти таҷҳизоти барқии маъмулӣ, худсохт ва ноқилҳои кӯҳнаву фарсуда дар фасли сармо мебошад.
Ҳангоми баргузории санҷиш якчанд камбудиҳо ошкор карда шуданд. Ба соҳибони марказҳои тиҷоратӣ, мағозаю дӯконҳо ва марказҳои гуногуни хизматрасонӣ дастур дода шуд, ки дар кӯтоҳтарин фурсат камбудиҳоро бартараф кунанд, баръакси ҳол ба ҷазои маъмурӣ кашида мешаванд. Ҳамчунин бо соҳибкорону тоҷирон вобаста ба пайомадҳои нохуш доштани чунин амалҳои худсарона суҳбатҳои муфид анҷом дода шуд.
«Нисбат ба баъзе соҳибони марказҳои тиҷоратӣ, ки сарфи назар аз ҳушдорҳои мунтазам талаботи меъёру қоидаҳои бехатарӣ аз сӯхторро боз вайрон мекарданд, аз тарафи мутахассисони шуъбаи Хадамоти оташнишонӣ санадҳои ҳуқуқвайронкуниии маъмурӣ тартиб дода шуда, ҷарима татбиқ гардид»,-гуфт Абдураҳмон Мулкамонзода.
АКС: АМИТ «Ховар»
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
