Дастаи футболбозони Донишгоҳи давлатии Бохтар ғолиби мусобиқаи ҷумҳуриявӣ оид ба футбол гардид
БОХТАР, 04.12.2024 /АМИТ «Ховар»/. Аз 26 ноябр то 1 декабри соли 2024 дар шаҳри Душанбе байни донишҷӯёни муассисаҳои таҳсилоти олӣ ва миёнаи касбии Ҷумҳурии Тоҷикистон мусобиқаи ҷумҳуриявӣ оид ба футбол баргузор гардид. Дастаи футболбозони Донишгоҳи давлатии Бохтар ба номи Носири Хусрав дар ин мусобиқаи варзишӣ фаъолона иштирок намуда, ғолиби мусобиқа гардид, хабар доданд ба АМИТ «Ховар» дар ин донишгоҳ.
3 декабр дар Донишгоҳи давлатии Бохтар барои истиқболи ғолибони дастаи мунтахаби футболбозон ҷамъомад доир шуд. Ректори донишгоҳ Маҳмадалӣ Қурбонзода иброз дошт, ки «тарбияи ҷисмонӣ ва варзиш ҷузъи муҳимми зиндагии инсоният буда, дар таъмини саломатии ҳар шахс нақши асосӣ дорад. Ҳамин аст, ки варзишро қосиди сулҳу дӯстӣ, пайвандгари марзҳо, таҳкимбахши худшиносию худогоҳӣ ва муаррифи миллату давлат дар арсаи ҷаҳонӣ ва заминагузори саломатӣ медонанд».
Ёдовар мешавем, ки бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Вазорати маориф ва илми Ҷумҳурии Тоҷикистон мусобиқаи ҷумҳуриявӣ оид ба футбол байни донишҷӯёни муассисаҳои таҳсилоти олӣ ва миёнаи касбӣ дар се марҳила бо иштироки зиёда аз 62 даста баргузор гардид. Ба марҳилаи ниҳоии мусобиқа 5 дастаи футболбозон роҳ ёфт. Дастаи футболбозони Донишгоҳи давлатии Бохтар дар ин мусобиқаи варзишӣ фаъолона иштирок намуда, бо дастаи донишҷӯёни футболбози Донишкадаи тарбияи ҷисмонӣ ба номи Саидмуъмин Раҳимов бозӣ намуда, ғолиб гардид.
Дастаи футболбозони Донишгоҳи давлатии Бохтар соҳиби ҷойи якум, Диплом ва туҳфаҳо гардид. Ин комёбии донишҷӯён дар таърихи донишгоҳ бори аввал мебошад.
Ҷоизи ифтихор аст, ки бо пешниҳоди Раиси Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон, Раиси шаҳри Душанбе муҳтарам Рустами Эмомалӣ бори нахуст 9 феврали соли 2024 ба Созмони Милали Муттаҳид оид ба таҷлили Рӯзи байналмилалии футбол пешниҳод манзур гардид. Аз ҷониби ин созмони ҷаҳонӣ 25 май ҳамчун Рӯзи байналмилалии футбол муайян шуд, ки ҳамасола дар сатҳи баланд таҷлил мегардад.
АКС: Донишгоҳи давлатии Бохтар ба номи Носири Хусрав
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
