Давлатҳои аъзои Созмони ҳамкории иқтисодӣ барои иштирок дар Конфронси байналмилалии ҳифзи пиряхҳо ба Душанбе даъват гардиданд
ДУШАНБЕ, 03.12.2024. /АМИТ «Ховар»/. Имрӯз дар шаҳри Машҳади Ҷумҳурии Исломии Эрон ҷаласаи 28-уми Шурои вазирони корҳои хориҷии Созмони ҳамкории иқтисодӣ баргузор гардид, ки дар он Вазири корҳои хориҷии Ҷумҳурии Тоҷикистон Сироҷиддин Муҳриддин иштирок ва суханронӣ намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Сироҷиддин Муҳриддин нақши муҳимми Тоҷикистонро дар татбиқи лоиҳаҳои минтақавии нақлиётӣ, коммуникатсионӣ ва энергетикӣ баён намуда, ҳамзамон омодагии мамлакатро барои таҳкими минбаъдаи ҳамкории гуногунҷанба ва мутақобили судманд дар соҳаҳои тиҷорату иқтисод, сармоягузорӣ, саноату кишоварзӣ ва муҳити зисту сайёҳӣ иброз намуд.
Ҳамзамон ба ибтикороти глобалии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти ҳалли масъалаҳои тағйирёбии иқлим ва рӯзномаи ҷаҳонии об ишора гардида, аз кишварҳои аъзои Созмони ҳамкории иқтисодӣ даъват карда шуд, ки дар Конфронси байналмилалии ҳифзи пиряхҳо дар охири моҳи майи соли 2025 дар шаҳри Душанбе фаъолона иштирок намоянд.
Аз рӯйи натиҷаи ҷаласа Эъломияи Машҳад ва якчанд қарори марбут ба фаъолияти созмон қабул гардид.
АКС: Вазорати корҳои хориҷии Ҷумҳурии Тоҷикистон
РАВАНДИ ОБИ ДУШАНБЕ. Конфронси 4-уми Душанбе ҳамчун майдони муколамаи васеъ дар ҳалли масъалаҳои муҳими соҳаи об мусоидат менамояд
РАВАНДИ ОБИ ДУШАНБЕ. Дар доираи Конфронси чоруми байналмилалии сатҳи баланд Фестивали об гузаронида мешавад
Сафири Тоҷикистон бо роҳбарияти ширкати «LANXESS AG»-и Олмон мулоқот намуд
Масъалаи густариши ҳамкорӣ байни Тоҷикистону Ҷопон баррасӣ гардид
Ҳамкории дуҷониба байни Тоҷикистон ва Покистон дар соҳаҳои мудирияти захираҳои об баррасӣ гардид
РАВАНДИ ОБИ ДУШАНБЕ. Дар Конфронси чоруми байналмилалии сатҳи баланд ҳузури беш аз 2500 иштирокчӣ аз 100 давлати ҷаҳон пешбинӣ шудааст
Сафири Тоҷикистон бо Директори иҷроияи Дабирхонаи Анҷумани ҳамкории Корея-Осиёи Марказӣ мулоқот намуд
РАВАНДИ ОБИ ДУШАНБЕ. Дар Боку нишасти матбуотӣ оид ба Конфронси 4-уми байналмилалии сатҳи баланд доир шуд
Дурнамои густариши ҳамкорӣ байни Тоҷикистон ва Словения баррасӣ гардид
РАВАНДИ ОБИ ДУШАНБЕ. Дар Давлати Кувайт нишасти матбуотӣ оид ба Конфронси чоруми байналмилалии сатҳи баланд доир шуд
Меҳмонони Конфронси 35-уми минтақавии Созмони озуқаворӣ ва кишоварзии СММ бо имконоти сайёҳии Тоҷикистон шинос мегарданд
Ҳамкории Тоҷикистону Эрон дар доираи созмонҳои байналмилалӣ ва минтақавӣ баррасӣ гардид
