Муовини Сарвазири Тоҷикистон бо заминҳои кишт ва ниҳолхонаю гармхонаҳои Ҳисор шинос гардид
ҲИСОР, 5.12.2024 /АМИТ «Ховар»/. 4 декабр муовини Сарвазири Ҷумҳурии Тоҷикистон Сулаймон Зиёзода дар шаҳри Ҳисор бо фаъолияти кишоварзон, ҳолати заминҳои кишт ва ниҳолхонаю гармхонаҳо шинос шуд. Дар ин хусус ба хабарнигори минтақавии АМИТ «Ховар» Субҳониддини Маҳмуд аз мақомоти шаҳри Ҳисор иттилоъ доданд.
Муовини Сарвазири Тоҷикистон дар Ҷамоати деҳоти Мирзо Ризо бо фаъолияти хоҷагии ниҳолпарварии Ҷамъияти Дорои Масъулияти Маҳдуди «Шумон», ки кормандони он ба шинонидани тухми меваҳои донакдор машғул буданд, шинос шуд. Ҳамчунин дар деҳаи Ҳуҷуми Ҷамоати деҳоти Навобод ба гармхонаи хоҷагии деҳқонии «Суруш» рафта, бо ҳолати парвариши қулфинай бо усули қатрагӣ шинос гардид.
Муовини Сарвазири Тоҷикистон ва Раиси шаҳри Ҳисор дар оғози ҳашари ниҳолшинонии сокинони деҳоти Навобод дар шафати шоҳроҳи Душанбе –Турсунзода иштирок карда, ниҳол шинониданд. Ҳамзамон дар доираи татбиқи Барномаи сабзу хуррамгардонии Ҳукумати мамлакат сокинонро ба идома додани маъракаи ниҳолшинонӣ даъват намуданд.
Сулаймон Зиёзода дар ҳудуди Ҷамоати деҳоти Мирзо Ризо бо фаъолияти фермаи чорводорӣ ва майдони кишти зироати кишоварзӣ дар хоҷагии ёрирасони Агентии таъминоти амволи махсуси назди Ҳукумати Ҷумҳурии Тоҷикистон шинос шуда, ба мутахассисони корхона барои рафъи камбудиҳо оид ба беҳтар намудани шароити нигоҳдории чорво ва парвариши зироат маслиҳат дод.
Дар Ҷамоати деҳоти Сомон меҳмонон бо ниҳолхонаи хоҷагии деҳқонии «Асадулло», майдони кишти барвақтии пиёз дар кооперативи тиҷоратии «Баракати Ватан» ва ҳамчунин дар деҳаи Мортеппаи ин ҷамоат бо ҷараёни ҷамъоварии пахта дар саҳрои хоҷагӣ шинос шуданд.
Муовини Сарвазири Тоҷикистон Сулаймон Зиёзода ба масъулини шаҳри Ҳисор барои иҷрои дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба истифодаи самараноки замин, ба гардиши кишоварзӣ даровардани заминҳои бекорхобида, афзоиши содироти маҳсулот, сари вақт ҷамъ овардани ҳосили пахта ва захираи зарурии маводи ғизоӣ маслиҳатҳои судманд дод.
АКС: Мақомоти иҷроияи ҳокимияти давлатии шаҳри Ҳисор
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд
Сармоягузорони Чин бо субъектҳои Минтақаи озоди иқтисодии «Суғд» шинос гардиданд
Эмомалӣ Раҳмон: «Дар ду агрегати аввалини НБО «Роғун» то имрӯз 9,1 миллиард киловатт-соат неруи барқ истеҳсол карда шудааст»
Дар Неругоҳи барқи обии «Роғун» беш аз 18 ҳазор коргарон ва кормандони муҳандисию техникӣ фаъолият доранд
Дар Конибодом ҷамъоварии пахта оғоз гардид
Дар беш аз 189 ҳазор гектар кишти такрории зироати кишоварзӣ гузаронида шуд
Иштироки соҳибкорони Тоҷикистон ва Чин дар намоишгоҳҳои байналмилалӣ баррасӣ гардид
Дар Душанбе Шурои иқтисодии Иттиҳоди Давлатҳои Мустақил баргузор мегардад
Дар ноҳияи Мастчоҳ мавсими пахтачинӣ оғоз шуд
