Намояндагони Тоҷикистон дар Конгресс ва намоиши байналмилалии «Саноати кӯҳии Узбекистон ва Осиёи Марказӣ» иштирок намуданд
ДУШАНБЕ, 12.12.2024. /АМИТ «Ховар»/. 11 декабр намояндагони Тоҷикистон дар шаҳри Тошканди Ҷумҳурии Узбекистон дар Конгресс ва намоиши байналмилалии «Саноати кӯҳии Узбекистон ва Осиёи Марказӣ» иштирок намуданд. Дар ин хусус ба АМИТ «Ховар» дар Саридораи геологияи назди Ҳукумати Ҷумҳурии Тоҷикистон хабар доданд.
Муовини сардори Саридораи геологияи назди Ҳукумати Ҷумҳурии Тоҷикистон Алимаҳмуд Ализода дар мавзуи «Сохти геологӣ ва азхудкунии минбаъдаи кон дар шароити мураккаби кӯҳӣ –геологӣ (дар мисоли кони нуқраи Якҷилва-Помири Шарқӣ)» маъруза намуд.
Иброз гардид, ки ин ҳамоиш барои муколама, табодули таҷриба ва ҷустуҷӯи роҳҳои ҳалли муттаҳидсозии бозори саноати маъдани кӯҳии давлатҳои Осиёи Марказӣ имконияти хуб фароҳам меорад.
Ёдовар мешавем, ки Саридораи геологияи назди Ҳукумати Ҷумҳурии Тоҷикистон барои густариш додани ҳамкорӣ бо Хадамоти геологии назди Вазорати захираҳои табиии Ҷумҳурии Мардумии Чин оид ба ҳамкорӣ дар соҳаи илми заминшиносӣ, бо Хадамоти геологии Британияи Кабир, Вазорати саноати кӯҳкорӣ ва геологияи Ҷумҳурии Узбекистон барои гузаронидани корҳои илмӣ-таҳқиқотӣ дар майдонҳои наздисарҳадӣ, бо Хадамоти геологияи Финландия дар доираи лоиҳаи «Тақвияти азхудкунии захираҳои табиӣ барои некуаҳволии миллӣ дар Тоҷикистон, марҳилаи II», бо Созмони заминшиносии Ҷумҳурии Исломии Эрон оид ба ташкили Кумитаи техникии муштарак бо мақсади амалӣ намудани омӯзиши заминшиносӣ ва мубодилаи илмӣ-эҷодӣ Ёддошти тафоҳум ва созишномаҳои ҳамкорӣ ба имзо расонидааст.
АКС: Саридораи геологияи назди Ҳукумати Ҷумҳурии Тоҷикистон
Даромади буҷети давлатии Тоҷикистон барои соли 2027 80,1 миллиард сомонӣ пешбинӣ шудааст
Дар Душанбе Конфронси байналмилалӣ оид ба зеҳни сунъӣ — AICONF-2026 оғоз гардид
Байни Тоҷикистон ва БАТР ба маблағи беш аз 62 миллион евро созишномаҳои қарзию грантӣ ба имзо расиданд
Пагоҳ ҷаласаи 26-уми Кумитаи роҳбарони воҳидҳои ҳифзи ҳуқуқи Шурои роҳбарони хадамоти гумруки ИДМ баргузор мешавад
Дар Душанбе ҷаласаи 25-уми RILO-Москва баргузор гардид
Муовини Сарвазири Тоҷикистон бо вазъи корҳои саҳроӣ дар ноҳияи Зафаробод шинос шуд
Агентии омор: «Дар Тоҷикистон шумораи субъектҳои хоҷагидор зиёд шудааст»
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
