«Панҷшер» дар бозии ҷавобии гузаришӣ бар дастаи «Парвоз» ғолиб омад
ДУШАНБЕ, 09.12.2024. /АМИТ «Ховар»/. Дастаҳои футболи «Панҷшер»-и ноҳияи Ҷалолиддини Балхӣ ва «Парвоз»-и Фурудгоҳи байналмилалии шаҳри Хуҷанд барои мавсими ояндаи Лигаи олии Тоҷикистон бозии ҷавобии гузаришӣ баргузор карданд. Вохӯрии дастаҳо дар варзишгоҳи «Вахш-Арена»-и шаҳри Бохтар доир шуда, бо ҳисоби 2 бар 0 ба фоидаи дастаи футболи «Панҷшер»-и ноҳияи Ҷалолиддини Балхӣ анҷом ёфт. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Гголҳои дастаи ғолибро дар ин вохӯрӣ Кристофер Бонней дар дақиқаи 83-юм ва Давлатбек Сайдаминов дар дақиқаи 86-ум ба нишон расониданд. Бо ин ғалаба дастаи футболи «Панҷшер»-и ноҳияи Ҷалолиддини Балхӣ дар Лигаи олии Тоҷикистон боқӣ монд, зеро вохӯрии аввали дастаҳо дар шаҳри Хуҷанд бо натиҷаи мусовии 1 бар 1 анҷом ёфта буд. Дастаи футболи «Парвоз»-и Фурудгоҳи байналмилалии шаҳри Хуҷанд дар мавсими оянда ҳунарнамоиро боз дар Лигаи якуми Тоҷикистон идома медиҳад.
Ёдовар мешавем, ки дастаи футболи «Ҳулбук»-и ноҳияи Восеъ ғолиби Лигаи якуми Тоҷикистон дар мавсими 2024 гардид. Дар 24 бозии мавсим дастаи футболи «Ҳулбук»-и ноҳияи Восеъ 62 имтиёз ба даст оварда, бо бартарии 2 имтиёз бар дастаи «Парвоз»-и Фурудгоҳи байналмилалии шаҳри Хуҷанд чемпиони мусобиқа шуд.
АКС аз манбаъҳои боз
Имрӯз дар шаҳру ноҳияҳои Тоҷикистон ҳавои тағйирёбандаи бебориш пешгӯӣ мешавад
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
