«РОҲГАРДИИ СКАНДИНАВӢ». Дар Тоҷикистон мусобиқаи варзишии сайёҳӣ аз ин намуд баргузор мегардад

ДУШАНБЕ, 10.12.2024. /АМИТ «Ховар»/. 10 декабр дар Донишгоҳи байналмилалии сайёҳӣ ва соҳибкории Тоҷикистон дар доираи омодагиҳо ба баргузории Мусобиқаи варзишии сайёҳӣ аз намуди «Роҳгардии скандинавӣ» ҷаласа баргузор гардид. Дар ин хусус ба АМИТ «Ховар» дар Федератсияи варзиши сайёҳии Тоҷикистон хабар доданд.

Иброз гардид, ки ин мусобиқа нимаи сеюми моҳи декабри соли равон баргузор мегардад.

Мақсад аз баргузор намудани чунин чорабинии варзишӣ ҷалби таваҷҷуҳи ҷомеа ба мушкилоти фарогирӣ ба ҷойҳои фарҳангӣ ва санъат, тарғиби тарзи ҳаёти солим ва рушди сайёҳии варзишӣ мебошад.

Федератсияи варзиши сайёҳии Тоҷикистон кӯшиш менамояд, ки мусобиқаҳои варзиширо дар сатҳи байналмилалӣ баргузор намояд.

Ёдовар мешавем, ки роҳпаймоии скандинавӣ як намуди сайругашт аст, ки дар он аз таҷҳизоти махсус (чӯбҳо) истифода мешавад.

АКС: Федератсияи варзиши сайёҳии Тоҷикистон