ТАҚВИМИ АМИТ «ХОВАР»: имрӯз 26 декабр, панҷшанбе, 361-умин рӯзи соли 2024 аст

26 декабри соли 2009 дар шаҳри Душанбе анҷумани даҳуми Ҳизби Халқии Демократии Тоҷикистон баргузор гардид. Дар он меҳмонон аз Ҷумҳурии Мардумии Чин, Федератсияи Русия, Қазоқистон, Қирғизистон ва Озарбойҷон иштирок намуданд. Дар анҷуман Раиси Ҳизби Халқии Демократии Тоҷикистон муҳтарам Эмомалӣ Раҳмон бо ҳисоботи 15-солаи фаъолияти ҳизб маъруза намуданд.

***

26 декабри соли 2012 Президенти Тоҷикистон Эмомалӣ Раҳмон ба Хонаи кӯдакони бепарастори шаҳри Турсунзода ташриф оварда, бо шароити зисту таълими онҳо шинос шуданд.

***

26 декабри соли 2014 Пешвои миллат муҳтарам Эмомалӣ Раҳмон ба Кумитаи давлатии амнияти миллии Ҷумҳурии Тоҷикистон ташриф оварда, роҳбарият ва ҳайати шахсии онро бо иди касбиашон, ки 28 декабр мебошад,  табрик гуфтанд.

***

Дар ин рӯзи соли 2015 Сарвари давлат муҳтарам Эмомалӣ Раҳмон бо ҷараёни корҳои сохтмонӣ дар Масҷиди марказии ҷомеи шаҳри Душанбе аз наздик шинос шуданд.

***

Соли 2017 истгоҳи нави метрои шаҳри Тошканд ба номи Қаҳрамони Тоҷикистон Мирзо Турсунзода гузошта шуд.

***

26 декабри соли 2022 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои иштирок дар вохӯрии ғайрирасмии сарони кишварҳои аъзои Иттиҳоди Давлатҳои Мустақил ба шаҳри Санкт-Петербурги Федератсияи Русия сафар намуданд.

***

Дар ин рӯзи соли 2023 Президенти Ҷумҳурии Тоҷикистон муҳтарам Эмомалӣ Раҳмон дар вохӯрии ғайрирасмии роҳбарони кишварҳои аъзои Иттиҳоди Давлатҳои Мустақил иштирок намуданд.

***

Дар ин рӯзи соли 2023 дар Маҷмааи «Манеж»-и шаҳри Душанбе Намоишгоҳи миллии молу маҳсулоти Ҷумҳурии Исломии Эрон доир гардид, ки дар он беш аз 50 ширкати эронӣ дар бахшҳои энергетика, кишоварзӣ, сохтмон, саноати сабук, хӯрокворӣ, дорусозӣ ва дигар самтҳо маҳсулоташонро муаррифӣ намуданд.

26 ДЕКАБР:

 Дар Словения – Рӯзи истиқлол ва муттаҳидӣ.