Тақвият ва тавсеаи ҳамкории Тоҷикистон ва Покистон дар бахши обу энергетика баррасӣ гардид
ДУШАНБЕ, 13.12.2024 /АМИТ «Ховар»/. Тақвият ва тавсеаи ҳамкорӣ дар бахши обу энергетика имрӯз дар шаҳри Исломободи Покистон дар мулоқоти Вазири энергетика ва захираҳои оби Ҷумҳурии Тоҷикистон Далер Ҷумъа ва роҳбари Департаменти рушди захираҳои обу энергетикаи Вазорати захираҳои оби Ҷумҳурии Исломии Покистон Саҷад Ғанӣ баррасӣ гардид. Дар ин хусус АМИТ «Ховар» бо истинод ба Вазорати энергетика ва захираҳои об хабар медиҳад.
Ҷонибҳо аҳамияти татбиқи саривақтии лоиҳаи «CASA-1000»-ро махсусан таъкид намуда, онро пайвандгари воқеии давлатҳои минтақаи Осиёи Марказӣ ва Ҷанубӣ унвон намуданд.
Дар анҷоми вохӯрӣ аз ҳайати покистонӣ барои иштирок дар Конфронси байналмилалӣ оид ба ҳифзи пиряхҳо, ки моҳи майи соли 2025 дар шаҳри Душанбе баргузор мешавад, даъват гардид .
Инчунин 12 декабр Вазири энергетика ва захираҳои оби Ҷумҳурии Тоҷикистон Далер Ҷумъа бо Вазири федеролии хусусигардонӣ, Шурои сармоягузорӣ ва коммуникатсияи Ҷумҳурии Исломии Покистон Абдул Алим Хон мулоқот намуд. Ҷонибҳо маҷмуи ҳамкории дуҷонибаро баррасӣ намуда, барои густариш додани муносибатҳои иқтисодию тиҷоратӣ ва сармоягузорӣ изҳори ҳавасмандӣ намуданд.
Ҳамзамон ҳамсуҳбатон вобаста ба ҳамкории ояндадор, аз қабили сохтмони роҳҳои нақлиётӣ тавассути долони «Вахон», хатҳои интиқол, зиёд намудани парвозҳои мустақими Душанбе-Исломобод, ки ба манфиати ҷумҳуриҳо мебошанд, табодули афкор намуданд.
АКС: Вазорати энергетика ва захираҳои оби Ҷумҳурии Тоҷикистон
РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид
Дар Тоҷикистон ҷамъоварии ҳосили лимӯ оғоз шуд
Имсол ба Вилояти Мухтори Кӯҳистони Бадахшон беш аз 40 ҳазор сайёҳ ворид гардид
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
