Бо мақсади пешгирӣ аз суқут Маъмурияти федералии авиатсияи граждании Амрико санҷиши ҳавопаймои BOEING 767-ро талаб намуд
ДУШАНБЕ, 18.01.2025 /АМИТ «Ховар»/. Маъмурияти федералии авиатсияи граждании Амрико (FAA) дастурамали нав оид ба қобилияти парвоз (AD) нашр намуд, ки аз ширкатҳои ҳавопаймоӣ санҷиши чархҳои қисми қафои ҳавопаймои Boeing 767-ро талаб менамояд. Татбиқи талаботи нав аз 12 феврали соли 2025 оғоз мегардад, иттилоъ медиҳад АМИТ «Ховар» бо истинод ба Корхонаи воҳиди давлатии «Тоҷикаэронавигатсия» ва «Simple Flying».
Ин талабот бо зарари эҳтимолии гармии дастгоҳи асосии фуруд (MLG) иртибот дорад, ки метавонад сабаби вайроншавии сохтор ҳангоми фуруд гардад. Пас аз гирифтани аввалин огоҳиномаи «Alert Requirements Bulletin» ширкатҳое, ки ҳавопаймои Boeing 767-ро истифода мебаранд, барои анҷом додани санҷиш 30 моҳ вақт доранд. Онҳо бояд махсусан силиндрҳои фишанги асосии берунии чап ва ростро барои рақамҳои силсилавии муайян санҷанд, ки эҳтимол ба гармӣ осебпазир бошанд. Муҳлати иваз намудани ин силиндрҳо аз 30 то 130 моҳ пас аз нашри огоҳинома мебошад.
Тибқи иттилои «Planespotters.net», дар айни замон ширкати «Delta Air Lines» 39 ҳавопаймои B767-300 ва ширкати «United Airlines» 35 ҳавопаймои B767-300-ро идора менамоянд. Вобаста ба боркашонии ҳавоӣ ширкати «UPS» 89 ҳавопаймои B767-300, «FedEx Express» 141 ҳавопаймои B767-300 ва ширкати «Amazon Prime Air» 52 ҳавопаймои B767-300F-ро идора мекунад.
Ҳадафи FAA аз ин санҷиш бартараф кардани ҳама гуна осеби гармӣ ба силиндри берунии қисми қафои ҳавопаймо мебошад.
Чунин ҳолат метавонад боиси аз даст додани идоракунии ҳавопаймо ва эҳтимоли аз хати парвозу фуруд баромадани ҳавопаймо гардад.
АКС: «Тоҷикаэронавигатсия»
Моҳи сентябр дар Тоҷикистон панҷумин Форуми Осиёи Марказӣ оид ба пиринг ва пайвастшавӣ доир мегардад
ИМРӮЗ — РӮЗИ АНГИШТКАНОН. Истихроҷи ангишт то ба 3 миллион тонна расонида мешавад
Дар хоҷагии деҳқонии «Боғи Сомон»-и шаҳри Турсунзода мавсими тайёр кардани мавиз оғоз гардид
Рақамикунонӣ — омили муҳими рушди бехатарии озуқаворӣ дар сарҳад ва нақлиёт
Ширкати «Жонгшан»-и Чин дар Тоҷикистон ҳавзҳои муосири моҳидорӣ бунёд менамояд
«РОҒУН» — РАМЗИ ҚУДРАТИ ЭНЕРГЕТИКИИ ТОҶИКИСТОН ДАР АРСАИ БАЙНАЛМИЛАЛӢ. Андешаҳо дар ин маврид
Ҷиҳати пешгирии таъсири хавфҳои эҳтимолӣ ба иқтисодиёти миллӣ ҷаласа баргузор гардид
«СИЁСАТИ НУРАФЗО». Таҳти ин унвон доир ба нақши Пешвои миллат дар рушди соҳаи энергетика китоби нав ба нашр расид
Татбиқи ташаббусҳои глобалии Тоҷикистон оид ба ҳифзи пиряхҳо ва криосфера дар Душанбе баррасӣ шуд
Имрӯз парвози мустақим дар хатсайри Душанбе–Минск оғоз гардид
Ташаккули сиёсати зиддикоррупсионии Ҳукумати Ҷумҳурии Тоҷикистон дар даврони истиқлоли давлатӣ баррасӣ гардид
Агентии инноватсия ва технологияҳои рақамӣ ва Бонки рушди Авруосиё санади ҳамкорӣ ба имзо расониданд
