Дар ноҳияи Рашт соҳили дарёи Сурхобро мустаҳкам карданд
РАШТ, 12.01.2025 /АМИТ «Ховар»/. Бо сабаби баланд шудани сатҳи оби дарёи Сурхоб солҳои 2024-2025 дар ҳудуди Ҷамоати деҳоти Қалъанаки ноҳияи Рашт таҳдиди шусташавии шоҳроҳи байналмилалӣ дар километрҳои 174-175-уми шоҳроҳи мошингарди Ваҳдат-Рашт, сарҳади Ҷумҳурии Қирғизистон ба амал омад. Бо дастгирии дирексияи сохтмонии Вазорати нақлиёти Ҷумҳурии Тоҷикистон дар ин ҳудуди роҳи байналмилалӣ 800 метр соҳил мустаҳкам карда шуд. Дар ин хусус ба хабарнигори минтақавии АМИТ «Ховар» Субҳониддини Маҳмуд масъулини Муассисаи давлатии идораи хоҷагии роҳҳои минтақаи Рашт иттилоъ доданд.
Километри 250-уми шоҳроҳи байналмилалӣ дар ноҳияи Лахш, ки соли 2024 дар натиҷаи омадани сели азим дар тобистон шуста шуда, барои рафтуомади сокинон роҳи яктарафа ташкил шуда буд, аз ҳисоби маблағҳои Муассисаи нигоҳдории роҳҳои автомобилгарди ноҳияи Лахш барои дар сатҳи баланд гузаронидани зимистон таъмир ва дар масофаи як километр васеъ гардид.
Мувофиқи нақшаи Вазорати нақлиёти Ҷумҳурии Тоҷикистон, имсол бояд дар километри 201-уми шоҳроҳи байналмилалии ноҳияи Тоҷикобод корҳои соҳилмустаҳкамкунӣ ва дар километрҳои 250, 251, 253 ва 255-уми роҳи ноҳияи Лахш корҳои барқарорсозии қитъаҳои роҳи байналмилалӣ амалӣ гарданд.
Бояд гуфт, ки барои дар сатҳи баланд иҷро намудани корҳои соҳилмустаҳкамкунӣ техникаҳои муассисаҳои давлатии нигоҳдории роҳҳои мошингарди ноҳияҳои минтақаи Рашт дар сохтмон, соҳилмустаҳкамкунӣ ва зимни бартараф сохтани зарари офатҳои табиӣ пурра истифода бурда мешаванд.
Мустаҳкамкунии соҳилҳо аз ҳисоби Вазорати нақлиёти Ҷумҳурии Тоҷикистон ва маблағҳои муассисаҳои нигоҳдории роҳҳои автомобилгард ба хотири ҳифзи роҳи байналмилалӣ ва аз байн нарафтани ин роҳҳо аз зарари селҳои азими дарёи Сурхоб амалӣ мегардад. Соҳилмустаҳкамкунӣ дар мавзеъҳое гузаронида мешавад, ки дарёи Сурхоб ба роҳи байналмилалӣ наздик буда, метавонад ба он зарар расонад.
Агар Вазорати энергетика ва захираҳои оби Ҷумҳурии Тоҷикистон ва Агентии беҳдошти замин ва обёрии назди Ҳукумати Ҷумҳурии Тоҷикистон барои ҳифзи заминҳои корами обӣ ва дигар намуди заминҳои назди дарёи Сурхоб корҳои соҳилмустаҳкамкуниро сари вақт анҷом диҳанд, шоҳроҳи байналмилалӣ аз шусташавӣ эмин мемонад ва садҳо гектар замини корами обӣ ва дигар намуди заминҳои деҳаҳои наздисоҳилӣ ҳифз мегарданд.
АКС: АМИТ «Ховар»
Заминҳои назди бинои муассисаву идораҳои шаҳри Норак самаранок истифода мешаванд
Дар «Чиларча»-и Ҷамоати деҳоти Саразм 300 нафар хонандагон ба истироҳат фаро гирифта мешаванд
Истироҳат дар Суғд – бо алоқаи боэътимод
Имрӯз дар водиҳои Тоҷикистон ҳаво то 38 дараҷа гарм мешавад
Бо мақсади пешгирии ҳодисаҳои ғарқшавӣ таҳти унвони «Наҷоти сайёр» дар Душанбе ва ноҳияҳои тобеи ҷумҳурӣ корҳои фаҳмондадиҳӣ оғоз шуд
ҲАВАСМАНДИИ ОМӮЗГОРОН. Давоми 18 сол 3394 нафар омӯзгорони ҷавон дар вилояти Хатлон соҳиби замин гардиданд
Доир ба ташаббусҳои Пешвои миллат дар шаҳри Хоруғ конфронси ҷумҳуриявӣ баргузор шуд
137 акси аксбардори маъруфи тоҷик Заур Дахте ба фонди Осорхонаи миллии Тоҷикистон супорида шуд
Дар ноҳияи Дарвоз оид ба истифодаи сарфакоронаи неруи барқ вохӯрӣ доир гардид
ТАҶРИБАИ НАВ ДАР ЗАФАРОБОД. Дар хоҷагии деҳқонии «Ҳоҷӣ Адҳамхон» 56 адад панели офтобӣ насб карда шудааст
Сокинони ноҳияи Файзобод дар заминҳои наздиҳавлигӣ бештар картошка парвариш менамоянд
ИСТИФОДАИ САМАРАНОКИ ЗАМИН. Сокинони деҳаи Навдеҳи шаҳри Норак таҷрибаи пешқадами кишоварзони ҷаҳонро меомӯзанд
