ДАРАХТ БИНШОН! Аз моҳи январ то март дар Тоҷикистон ҳаракати ҷумҳуриявии ниҳолшинонӣ эълон гардидааст
ДУШАНБЕ, 07.01.2025. /АМИТ «Ховар»/. Шуруъ аз моҳи январ то моҳи марти соли равон дар Тоҷикистон ҳаракати ҷумҳуриявии ниҳолшинонӣ эълон гардида, дар ин давра ҳар рӯзи шанбе ва якшанбе дар нуқтаҳои махсуси шаҳру ноҳияҳои мамлакат намоиш-фурӯши ниҳолҳои ҳамешасабз, ороишӣ ва мева баргузор мегардад. Ин иқдом тибқи «Ҷадвали баргузории ҷашну солгард, фестивал, намоиши иду озмунҳои фарҳангию маърифатӣ ва анъанаҳои мардумӣ дар Ҷумҳурии Тоҷикистон барои соли 2025», ки бо Амри Президенти Ҷумҳурии Тоҷикистон 2 январи соли 2025 тасдиқ гардидааст, амалӣ мешавад, хабар медиҳад АМИТ «Ховар».
Инчунин баргузории ҳаракати ҷумҳуриявии ниҳолшинонӣ дар моҳҳои ноябр-декабри соли равон ба нақша гирифта шудааст.
Дар Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 28 декабри соли 2023 таъкид гардид, ки «бо назардошти тағйирёбии иқлим ва бо мақсади беҳтар кардани вазъи экологии ҷумҳурӣ, инчунин муҳайё намудани шароити ҳарчи беҳтар ва мусоиди зист барои аҳолӣ ба Ҳукумати мамлакат, Кумитаи ҳифзи муҳити зист ва тамоми сохтору мақомоти давлатӣ супориш дода мешавад, ки “Барномаи мушаххаси давлатӣ оид ба кабудизоркунии мамлакат барои давраи то соли 2040”-ро қабул ва амалӣ намоянд.
Таъмин намудани зиндагии осудаву босаодати наслҳои ояндаи миллат моро водор месозад, ки ба ин масъала ҷиддӣ муносибат намоем. Яъне, мо бояд барои наслҳои оянда ниҳол шинонем, боғ бунёд намоем, Ватанамонро пешрафта гардонем ва чунонки доим таъкид менамоям, ба фарзандону набераҳоямон мулки обод мерос гузорем».
Президенти Тоҷикистон дастур доданд, ки мо бояд барои ислоҳи вазъи ногувори дар натиҷаи тағйирёбии иқлим ба амаломада ва пешгирӣ кардани харобшавии ҳифзи муҳити зист, дар навбати аввал, бо роҳи ҷиддан кам кардани партови газҳои гулхонаӣ, ниҳолшинонию сабзазоркунӣ ва истифодаи оқилонаи захираҳои об, яъне ба хотири наҷоти табиат ва инсоният тадбирҳои бетаъхир ва муассир андешем.
АКС аз манбаъҳои боз
НИШАСТИ МАТБУОТӢ. Чаро дар шаҳри Норак ҳамасола ниҳолҳои шинонидашуда хушк мегарданд?
ҲАРАКАТИ ҶУМҲУРИЯВИИ НИҲОЛШИНОНӢ. Дар Гулистон 9 ҳазор бех ниҳоли дарахтони ҳамешасабзу ороишӣ шинонида мешавад
Дар шаҳраки академии Академияи миллии илмҳои Тоҷикистон зиёда аз 250 бех ниҳоли ҳамешасабз ва сояафкан шинонида шуд
Дар доираи «Барномаи кабудизоркунии табиати Тоҷикистон то соли 2040» беш аз ду миллиард бех ниҳол шинонида мешавад
ДАРАХТ БИНШОН! Дар Ҷамоати деҳоти Навободи шаҳри Турсунзода 900 бех дарахти тут шинонида шуд
Дар хоҷагии ёрирасони бахши ҳифзи муҳити зисти ноҳияи Мастчоҳ беш аз 200 ҳазор бех ниҳол шинонида мешавад
ҲАРАКАТИ ҶУМҲУРИЯВИИ НИҲОЛШИНОНӢ. Дар вилояти Хатлон беш аз 250 ҳазор дарахт шинонида шуд
БАРОИ НАСЛҲОИ ОЯНДА НИҲОЛ МЕШИНОНЕМ! Дар ҳудуди «Боғи Ғалаба ва нигоҳдории ҷангал»-и шаҳри Душанбе зиёда аз 2500 бех ниҳоли сояафкан ва ороишӣ шинонида шуд
ҲАРАКАТИ ҶУМҲУРИЯВИИ НИҲОЛШИНОНӢ. Дар шафати роҳҳои Ҷамоати деҳоти Халифа Ҳасани шаҳри Панҷакент беш аз 400 бех ниҳоли ороишӣ шинонида шуд
МАСЛИҲАТИ МУТАХАССИС. Башаклдарории дарахтон дар рӯзҳои сард зиёновар аст
ҲАРАКАТИ ҶУМҲУРИЯВИИ НИҲОЛШИНОНӢ. Дар ноҳияи Бобоҷон Ғафуров 44 ҳазор бех дарахтони сояафкан, ҳамешасабз ва ороишию мевадиҳанда шинонида мешаванд
БАРОИ НАСЛҲОИ ОЯНДА НИҲОЛ ШИНОНЕМ! Солҳои 2025-2027 дар Душанбе 450 ҳазор бех ниҳол шинонида мешавад
