«Дастурамали либосҳои тавсиявӣ барои духтарон ва занони Тоҷикистон» нашр ва дастрас мегардад
ДУШАНБЕ, 27.01.2025. /АМИТ «Ховар»/. Имсол «Дастурамали либосҳои тавсиявӣ барои духтарон ва занони Тоҷикистон» нашр ва дастрас мегардад. Ин дастурамал аз 16 боб иборат буда, либосҳои тавсиявии он аз наврасони 7-сола оғоз мешаванд. Чунин посух дод ба саволи хабарнигори АМИТ «Ховар» сардори Раёсати муассисаҳои фарҳангии Вазорати фарҳанги Тоҷикистон Хуршед Низом вобаста ба нашри ин дастурамали тавсиявӣ, ки лоиҳаи он соли 2024 пурра анҷом ёфт.
Бояд гуфт, ки ба китоби «Дастурамали либосҳои тавсиявӣ барои духтарон ва занони Тоҷикистон», ки соли 2018 тасдиқ ва нашр гардида буд, иловаҳо ворид гардиданд.
Вазорати фарҳанги Ҷумҳурии Тоҷикистон барои таҳияи лоиҳаи дастурамал аз ҳисоби олимон, коршиносон, тарроҳон ва рассомон ду гурӯҳи корӣ таъсис дод. Дар гурӯҳи аввал олимон барномаҳои маърифатиро дар расонаҳои иттилоотӣ тарғиб намуданд. Гурӯҳи дигар аз ҳисоби намояндагони Кумитаи кор бо занон ва оила ва Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон лоиҳаи дастурамалро таҳия намуд. Дар айни замон ба ин дастурамал баъзе ҷузъиёт илова шуда, он имсол нашр ва дастраси тамоми ҷомеа мегардад. Дастурамал танҳо хусусияти тавсиявӣ дорад. Дар он пӯшидани либос дар кӯча, дар рӯзҳои истироҳат ва ҷашну маросим тавсия дода мешавад.
Хуршед Низом иброз намуд, ки тақлид ба либоси бегона ба арзишҳои фарҳангӣ бетаъсир намемонад. Имрӯз баъзеҳо аз рӯи ҳавою ҳавас либоси дигар давлатҳоро тақлид карда, иддаи дигар либосҳои ба фарҳанги мо бегонаро тарғиб менамоянд. Барои гирифтани пеши роҳи ин амалҳо мо бояд либосҳои миллиамонро пайваста тарғиб намоем.
Фирӯза ДАВЛАТЗОДА,
АМИТ «Ховар»
АКС аз бойгонӣ
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
«ЯК МЕРОС, ДУ САРЗАМИН». Намоиши маҷозии муштараки Тоҷикистон ва Эрон баргузор мегардад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
