РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
ДУШАНБЕ,02.01.2025 /АМИТ «Ховар»/. Дар Донишгоҳи давлатии Хуҷанд ба номи академик Бобоҷон Ғафуров дар ҳошияи Паёми Президенти Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ба Маҷлиси Олӣ таҳти унвони «Паёми Президенти Ҷумҳурии Тоҷикистон — дурнамои рушди илму маориф» конференсияи илмӣ-амалӣ баргузор шуд. Дар ин хусус АМИТ «Ховар» бо истинод ба ин донишгоҳ хабар медиҳад.
Иштирокдорони конференсияи илмӣ-амалӣ нақши калидии Паёми Президенти Ҷумҳурии Тоҷикистонро ҳамчун роҳнамои стратегии рушди ҷумҳурӣ таъкид намуда, иброз карданд, ки татбиқи дастурҳои Сарвари давлат дар самти таҳкими низоми маориф ва рушди иқтисоди рақамӣ вазифаи муҳимест, ки бояд бо масъулияти баланд амалӣ шаванд.
Баён гардид, ки дар Паёми Президенти Тоҷикистон ба Маҷлиси Олӣ ин навбат низ илму маориф ҳамчун яке аз самтҳои муҳими сиёсати давлатӣ баррасӣ шуда, зарурати баланд бардоштани сатҳи таҳсилот, истифодаи технологияҳои рақамӣ дар раванди таълим, густариши таҳқиқоти илмӣ ва омодасозии мутахассисони рақобатпазир махсус иброз шуд. Сарвари давлат тазаккур доданд, ки рушди илму маориф заминаи асосии рушди устувори ҷомеа буда, аз ҳар як омӯзгор, донишҷӯ ва муассисаи таълимӣ масъулияти бештар талаб мекунад.
«Яке аз паҳлуҳои муҳимтарин дар Паёми Президенти Тоҷикистон эълон гардидани солҳои 2025-2030 ҳамчун Солҳои рушди иқтисоди рақамӣ ва инноватсия мебошад. Ин ташаббус имкониятҳои васеъро барои таъмини рушди соҳаҳои илму маориф ва татбиқи идеяҳои навоварона фароҳам меорад. Аз ҷумла, татбиқи технологияҳои рақамӣ дар низоми таълим, таҳкими инфрасохтори илмӣ, ҷорӣ намудани усулҳои муосири омӯзиш ва дастгирии лоиҳаҳои инноватсионӣ аз ҳадафҳои асосӣ маҳсуб мешаванд»,- изҳор гардид дар ҳамоиш.
Таъкид шуд, ки Паёми Президенти Тоҷикистон дар баробари равшан кардани дурнамои рушди мамлакат, ба мо — намояндагони илму маориф, вазифаҳои нав мегузорад. Ҳар як омӯзгор ва донишҷӯ бояд дарк намояд, ки татбиқи амалии ин дастурҳо барои насли оянда дарҳои рушди илми муосирро мекушояд.
Дар идомаи конференсия дар мавзуъҳои «Дурнамои рушди соҳаи мактабу маориф ва илм дар Паёми Ҷумҳурии Тоҷикистон» ва «Паёми Президенти Ҷумҳурии Тоҷикистон ҳамчун заминаи таъмини рушди босуботи иқтисодиёти ҷумҳурӣ» аз ҷониби устодони донишгоҳ маърӯзаҳо пешниҳод гардид.
АКС: Донишгоҳи давлатии Хуҷанд ба номи академик Бобоҷон Ғафуров
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
