ИДОРАИ ҲАВОПАЙМОҲОИ БЕСАРНИШИН. Донишгоҳи технологии Тоҷикистон дар ин соҳа мутахассис омода менамояд
ДУШАНБЕ, 31.01.2025 /АМИТ «Ховар»/. Донишгоҳи технологии Тоҷикистон тасмим гирифтааст, ки дар оянда дар соҳаи идораи ҳавопаймоҳои бесарнишин мутахассис омода намояд.
Ректори Донишгоҳи технологии Тоҷикистон Зоир Раҳмонзода 31 январ дар нишасти матбуотӣ ба доираи васеи хабарнигорон иттилоъ дод, ки дар иртибот ба ин дар Донишгоҳи технологии Тоҷикистон ихтисосҳое, ки ба замони муосир мутобиқат менамоянд, омӯзонида мешаванд. Соли 2024 аз рӯи 44 ихтисос донишҷӯён ба донишгоҳ қабул карда шуданд, ки нисбат ба соли 2023 8 ихтисос зиёд мебошад.
Ҳамзамон ректори донишгоҳ афзуд, ки ҳоло дар сохтори Донишгоҳи технологии Тоҷикистон 8 факултет, 6 идора, шуъбаи омодасозии кадрҳои илмӣ ва илмӣ –педагогӣ, 20 кафедра ва 4 марказ, инчунин филиали донишгоҳ дар шаҳри Исфара ва Литсейи инноватсионии «Душанбе» фаъолият доранд.
Дар Донишгоҳи технологии Тоҷикистон 211 гурӯҳи академӣ, аз инҳо 140 гурӯҳи таҳсилашон ба забони тоҷикӣ, 68 гурӯҳи русӣ ва се гурӯҳи англисӣ мавҷуданд. Дар маҷмуъ 3 ҳазору 100 донишҷӯ тибқи низоми кредитӣ ба таҳсил фаро гирифта шудаанд.
Дар Донишгоҳи технологии Тоҷикистон ҳоло дар зинаи бакалавр дар курси якум аз рӯи 44 ихтисос, курси дуюм- 38 ихтисос, курси сеюм- 35, курси чорум аз рӯи 36 ихтисос ва дар зинаи магистратура аз рӯи 9 ихтисос мутахассисон омода карда мешаванд.
Марзия САИДЗОДА,
АМИТ «Ховар»
АКС: АМИТ «Ховар»
НИШАСТИ МАТБУОТӢ. Дар ноҳияи Носири Хусрав фарогирии кӯдакон ба муассисаи томактабӣ 3,2 фоиз зиёд гардидааст
«ИЛМ — ФУРӮҒИ МАЪРИФАТ». Малакаи котибони озмун барои кор бо портали электронӣ такмил дода мешавад
Хонандагони Тоҷикистон дар Олимпиадаи сеюми байналмилалӣ аз фанни зеҳни сунъӣ ду медал ба даст оварданд
Дар ноҳияи Кӯшониён 21 Маркази рушди инкишофи кӯдак ба истифода дода шуд
Дар Тоҷикистон ба як омӯзгор 18 хонанда рост меояд
Хонандагони фаъоли пойтахт дар истироҳатгоҳи тобистонаи беруназшаҳрии «Шарора» таътили босамар мегузаронанд
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
Маркази миллии тестӣ гурӯҳи ихтисосҳои серинтихобро номбар намуд
Дар Донишкадаи кӯҳию металлургии Тоҷикистон 27 ихтисоси нав дар соҳаи технология ва металлургияи металлҳои сиёҳ ташкил мешавад
Қабули ҳуҷҷатҳо барои иштирок дар Стипендияи байналмилалии Президенти Тоҷикистон «Дурахшандагон» оғоз ёфт
НИШАСТИ МАТБУОТӢ. Имсол дар нақшаи қабул ба муассисаҳои таҳсилоти олӣ ва миёнаи касбӣ 10 ҳазор ҷой зиёд ҷудо гардид
Дар Донишгоҳи давлатии Хоруғ Мактаби байналмилалии тобистона оид ба омӯзиши криосфера ба фаъолият оғоз намуд
