МАСЛИҲАТИ МУТАХАССИС. Инсон ба бемории гайморит аз беэҳтиётӣ нисбат ба саломатӣ гирифтор мешавад
ДУШАНБЕ, 12.01.2025. /АМИТ «Ховар»/. Агар дар фасли зимистон бо мӯйи тар ба кӯча бароед ё дар вақти шамоли сард бе сарпӯш дар берун бештар гаштугузор намоед, ба бемории гайморит гирифтор мешавед. Чунин огоҳ менамоянд мутахассисони соҳаи тиб.
Гайморит дар пешонӣ ва қисми рухсора ба амал меояд. Яъне он тавассути вирус ва бактерияҳо ба организми инсон ворид мешавад.
Тибқи ташхиси табибон, гайморит дар пешонӣ ва қисми рухсора ба мисли зардоб ҷамъ мешавад. Дард бештар дар пешонӣ ва як қисми сар (ҳамеша дар соатҳои муайян) пайдо мешавад. Мумкин рухсора ва пилки чашмон варам кунанд. Инчунин шахсе, ки гирифтори бемории гайморит мебошад, дар ҳолати хам кардани сар вазниниро ҳис мекунад.
Мутахассисони соҳаи тиб иброз медоранд, ки гайморитро аз зуком бояд фарқ намуд. Гайморит бо маҳкам шудани бинӣ аз худ дарак медиҳад. Азбаски зимни шамолкашию зуком низ бинӣ маҳкам мешавад, бисёриҳо бо гумони он ки зуком шудаанд, ба бемориашон чандон аҳамият намедиҳанд. Одатан нишонаҳои зуком давоми 4-5 рӯзи табобат мегузаранд. Мабодо аз як ҳафта бештар маҳкам будани биниатонро эҳсос намоед ва агар баъди гирифтани дорую дармон низ ҳолатон рӯ ба беҳбудӣ наорад, аз паси ташхис шавед, зеро ин метавонад аломати гайморит бошад.
Нишонаи дигаре, ки байни зуком ва гайморит фарқ мегузорад, сӯзиши бинию мавзеи атрофи чашмон мебошад. Сӯзиш шабона ва вақти якбора хам шудан ё тоб додани сар шиддат мегирад. Агар як тарафи бинӣ шамол кашида бошад, дард танҳо дар ҳамон тараф эҳсос мешавад, вале агар шамолкашӣ дутарафа бошад, бар замми сӯзиши бинӣ чаккаҳои сар ва ҳатто дандонҳо низ сахт дард мекунанд. Инчунин аз бинӣ баромадани зардоби ғафс нишонаи он аст, ки беморӣ аллакай кӯҳна шудааст.
Дар ин ҳолат ҳарчи зудтар аз паси табобат шудан зарур аст, чунки дар ин ҳолат хавфи ба миненгит гирифтор шудан ба миён меояд. Агар шахс бемории гайморитро сари вақт табобат накунад, ба оризаҳои дигар гирифтор мешавад. Нафароне, ки баъди чанд рӯзи табобат худро беҳтар ҳис карда, аз баҳри хӯрдани дору ва идома додани табобат мегузаранд, бемориашон кӯҳна шуда, баъди чанд вақт боз онҳоро азият медиҳад.
АКС аз манбаъҳои боз
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
