Моҳи май дар Тоҷикистон бахшида ба 115-солагии Шоири халқии Тоҷикистон Боқӣ Раҳимзода чорабиниҳои гуногун баргузор мешаванд
ДУШАНБЕ, 08.01.2024. /АМИТ «Ховар»/. Моҳи май дар Тоҷикистон бахшида ба 115-солагии Шоири халқии Тоҷикистон Боқӣ Раҳимзода чорабиниҳои гуногун баргузор мегарданд. 115-солагии шоир дар асоси «Ҷадвали баргузории ҷашну солгард, фестивал, намоиши иду озмунҳои фарҳангию маърифатӣ ва анъанаҳои мардумӣ дар Ҷумҳурии Тоҷикистон барои соли 2025» таҷлил мешавад, иттилоъ медиҳад АМИТ «Ховар».
Боқӣ Раҳимзода аз зумраи чеҳраҳои адабии маъруфи тоҷик буда, бо осори мондагори худ маҳбуби ҳазорон дилбохтагони адабиёти тоҷик мебошад.
Аз ҷумла, осори ӯ бо номҳои «Солҳои оташин» (1948), «Барги сабз», «Ҳаёт ва сухан»-1955, «Чашма» — 1957, достони «Роҳи нури Офтоб» (ҳамроҳи Мирзо Турсунзода, 1964), «Роҳи тайшуда» — мунтахабот, 1966, «Илҳом»- 1973, дуҷилдаи «Осор» (1975—1976), «Шохаи гул», дуҷилдаи «Осор» (1982—1983), «Шеъру достонҳо»-1983 ва ғайра ба табъ расидаанд.
Нақши шоири ватансаро дар рушди маънавиёти ҷомеа ва тарбияи насли ҷавон дар руҳияи хештаншиносӣ ва ватандӯстӣ ниҳоят барҷаста аст.
Ёдовар мешавем, ки имсол тибқи ҷадвали мазкур, ки бо Амри Президенти Ҷумҳурии Тоҷикистон аз 2 январи соли 2025 тасдиқ гардидааст, дар мамлакат чорабиниҳои гуногуни фарҳангию маърифатӣ, аз ҷумла 700-солагии шоири ғазалсарои тоҷику форс Ҳофизи Шерозӣ, Фестивали байналмилалии театрии «Наврӯз», Фестивали ҷаҳонии «Наврӯзи ҷавонон», Фестивали байналмилалии «Наврӯз-мероси фарҳангию ҷаҳонгардӣ», Фестивали гулҳо таҳти унвони «Сайри гули лола», Фестивали ҷумҳуриявии дӯстии афсарону сарбозон «Муҳофизони Ватан», Намоиш-озмуни ҷумҳуриявии «Беҳтарин лоиҳаҳои меъморӣ ва шаҳрсозӣ» ва дигар фестивалу озмунҳо гузаронида мешаванд.
Таҷлили ҷашну солгардҳо дар саросари мамлакат бо баргузории дарсу маҳфилҳои адабию фарҳангӣ баргузор карда мешаванд. Ҳадаф аз баргузории ин чорабиниҳо арҷгузорӣ ба таъриху фарҳанги бою пурғановати халқи тоҷик, тарғиби анъанаҳои миллӣ, ҳамзамон дурӣ ҷустан аз фарҳанги бегонагон мебошад.
АКС аз манбаъҳои боз
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
