Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
ДУШАНБЕ, 08.01.2025. /АМИТ «Ховар»/. Сарвазири Ҷумҳурии Тоҷикистон Қоҳир Расулзода, Сарвазири Ҷумҳурии Узбекистон Абдулло Орипов ва Раиси Девони Вазирони Ҷумҳурии Қирғизистон — Роҳбари Дастгоҳи Президенти Ҷумҳурии Қирғизистон Одилбек Қосималиев дар минтақаи марзи байнидавлатӣ мулоқот намуданд.
Мулоқот дар доираи тавофуқи қаблан бадастомада оид ба масъалаҳои сарҳади давлатӣ байни Президенти Ҷумҳурии Тоҷикистон муҳтарам Эмомалӣ Раҳмон, Президенти Ҷумҳурии Узбекистон муҳтарам Шавкат Мирзиёев ва Президенти Ҷумҳурии Қирғизистон муҳтарам Содир Жапаров баргузор гардид.
Зимни мулоқот таъкид карда шуд, ки се давлат барои таҳкими ҳамкорӣ дар бахшҳои калидӣ, аз қабили тиҷорат, логистика, обу энергетика ва фарҳангу иҷтимоиёт имконоти бузург дошта, рушди ҳамкории фаромарзӣ ва байниминтақавӣ ҷузъи муҳими он мебошад.
Аз рӯи натиҷаҳои мулоқот раҳбарони ҳайатҳо изҳори итминон намуданд, ки мулоқоти имрӯза дар ҳамгироии минтақавӣ нақши муҳим бозида, ба рушду тақвияти ҳамкории давлатӣ ва дӯстию бародарии халқҳо мусоидат менамояд.
Мулоқот дар пайванди сарҳадҳои давлатии се кишвар – дар вилояти Суғди Ҷумҳурии Тоҷикистон, вилояти Фарғонаи Ҷумҳурии Узбекистон ва вилояти Бодканди Ҷумҳурии Қирғизистон баргузор гардид.
КОНСТИТУТСИЯ — БАХТНОМАИ МИЛЛАТ ВА ПОЯИ УСТУВОРИ ДАВЛАТДОРИИ МИЛЛӢ. Дар Коллеҷи омори шаҳри Ваҳдат чорабинии сиёсиву фарҳангӣ баргузор гардид
Дар қисми низомии қӯшунҳои сарҳадии Кумитаи давлатии амнияти миллӣ ҳамоиши сиёсӣ-маърифатӣ доир гардид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
