Намояндаи Тоҷикистон нахустин бор ба мақоми Президенти Шурои иҷроияи ЮНИСЕФ барои соли 2025 интихоб гардид
ДУШАНБЕ, 11.01.2025 /АМИТ «Ховар»/. 10 январ интихоботи президент ва муовинони президенти Бюрои Шурои иҷроияи Хазинаи кӯдакони Созмони Милали Муттаҳид (ЮНИСЕФ) баргузор гардид, хабар медиҳад АМИТ «Ховар» бо истинод ба Намояндагии доимии Тоҷикистон дар Созмони Милали Муттаҳид.
Зимни интихобот Намояндаи доимии Ҷумҳурии Тоҷикистон дар Созмони Милали Муттаҳид Ҷонибек Ҳикмат ба мақоми президенти Шурои иҷроияи ЮНИСЕФ барои соли 2025 интихоб гардид. Ин нахустин бор аст, ки намояндаи Тоҷикистон ба ин вазифаи пурмасъул интихоб мешавад.
Бояд таъкид намуд, ки Шурои иҷроияи ЮНИСЕФ аз 36 аъзо (президент ва чор муовин) иборат буда, фаъолияти ЮНИСЕФ-ро назорат ва арзёбӣ мекунад. Бюро ҳамчун ҳамоҳангсоз байни котиботи ЮНИСЕФ ва гурӯҳҳои минтақавӣ амал намуда, ба масъалаҳои маъмурӣ ва вазифавӣ тамаркуз мекунад. Он ба раванди гуфтушунидҳои қабули қарорҳо давоми ҷаласаҳо барои баланд бардоштани самаранокии Шурои иҷроия мусоидат мекунад.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Сироҷиддин Муҳриддин бо иҷрокунандаи вазифаи муовини Дабири кулли ЮНЕСКО оид ба илмҳои табиӣ мулоқот намуд
Сафири Тоҷикистон бо вазири авқофи Кувайт мулоқот намуд
Намояндаи доимии Тоҷикистон бо Президенти Шурои ҳуқуқи инсон мулоқот намуд
Дар Қоҳира 35-солагии Истиқлоли Тоҷикистонро таҷлил намуданд
Сафири Тоҷикистон бо Вазири корҳои иҷтимоӣ, хонавода ва кӯдакони Давлати Кувайт мулоқот намуд
Сафири Тоҷикистон бо Ректори Донишгоҳи тиббии Вена вохӯрӣ намуд
Дар Вашингтон 34-солагии барқарор намудани муносибатҳои дипломатӣ байни Тоҷикистон ва Амрико таҷлил гардид
Сафири Тоҷикистон бо Вазири адлияи Ҷумҳурии Ироқ мулоқот намуд
Дар Бағдод тамосҳои мустақим байни доираҳои соҳибкории Тоҷикистон ва Ироқ баррасӣ гардид
Дар Сеул бахшида ба 35-солагии Истиқлоли давлатии Ҷумҳурии Тоҷикистон чорабинии тантанавӣ доир шуд
Тоҷикистон ва Молдова машваратҳои консулӣ баргузор намуданд
Cафири Тоҷикистон бо Президенти Ҷумҳурии Ироқ мулоқот намуд
