НИШАСТИ МАТБУОТӢ. Дар 53 ихтисоси Донишгоҳи аграрии Тоҷикистон барномаҳои таълимии нави намунавӣ таҳия шудаанд
ДУШАНБЕ, 30.01.2025 /АМИТ «Ховар»/. Соли 2024 аз тарафи қисми таълим ва садорати факултетҳо барои 53 ихтисос барномаҳои таълимии нави намунавӣ ва барномаҳои таҳсилӣ тибқи модулҳо, мутобиқи талаботи байналмилалӣ, мантиқ ва принсипҳои раванди Болония таҳия шуданд. Дар ин ҳуҷҷатҳои пешбурди раванди таълим дар «Бахши фанҳои заминавӣ» модулҳои фанҳои иҷтимоӣ — гуманитарӣ, фанҳои забонҳо, фанҳои табиӣ – иқтисодӣ ва технологияи иттилоотӣ мероси бузурги гузаштагон, арзишҳои миллию фарҳангӣ ва таърихи миллати тоҷик ба эътибор гирифта шудаанд. Тибқи нақшаҳои таълимии нави намунавӣ нақшаҳои корӣ таҳия ва тасдиқ шуда, мавриди истифода қарор дода шудаанд. Чунин баён дошт Ректори Донишгоҳи аграрии Тоҷикистон ба номи Шириншоҳ Шоҳтемур Усмон Маҳмадёрзода имрӯз зимни нишасти матбуотӣ.
Дар 10 факултети донишгоҳ 4666 донишҷӯ аз рӯйи 53 ихтисос ба таҳсили рӯзона фаро гирифта шудаанд, ки аз ин миқдор 162 нафар барандагони квотаи президентӣ мебошанд. Дар таҳсилоти фосилавӣ 1051 донишҷӯ аз рӯйи 29 ихтисос таҳсил менамоянд, ки аз ин миқдор 199 нафар духтаронанд. Дар таҳсилоти рӯзона ва фосилавӣ 91 шаҳрванди хориҷӣ ба таҳсил фаро гирифта шудаанд. Дар айни замон дар зинаи магистратура 64 нафар ва дар зинаи доктор(PhD) 28 нафар таҳсил менамоянд.
Дар таърихи донишгоҳ аввалин маротиба дар факултети тибби ветеринарӣ гурӯҳи англисӣ ташкил карда шуд, ки устодони худи донишгоҳ тамоми дарсҳоро ба забони англисӣ баргузор намуда, донишҷӯён низ дар донистани забон фаъол ҳастанд. Натиҷаи сессияи зимистонаи соли таҳсили 2024-2025 дар ин гурӯҳ назаррас аст. Ҳамзамон раёсати донишгоҳ кӯшиш ба харҷ медиҳад, ки дар оянда теъдоди чунин гурӯҳҳоро дар дигар факултетҳо зиёд намояд.
75 омӯзгори ҷавон барои омӯзиши забони русӣ ва 45 нафар барои забони англисӣ ба машғулияти дарозмуддат ҷалб шуда, аз санҷиш гузаронида шуданд. Ҳоло дар донишгоҳ зиёда аз 30 омӯзгор ва 250 донишҷӯ забонҳои англисӣ ва олмониро медонанд.
АКС: Донишгоҳи аграрии Тоҷикистон ба номи Шириншоҳ Шоҳтемур
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
Дар муассисаҳои таҳсилоти миёнаи умумии Тоҷикистон зиёда аз 1 миллион китоби узбекӣ мавҷуд аст
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
