НИШАСТИ МАТБУОТӢ. Дар Тоҷикистон беш аз 22,4 миллиард кВт-соат неруи барқ ва зиёда аз 1,3 миллион Гкал неруи гармӣ истеҳсол шудааст
ДУШАНБЕ, 30.01.2025 /АМИТ «Ховар»/. Соли 2024 дар Тоҷикистон дар маҷмуъ беш аз 22,4 миллиард кВт-соат неруи барқ истеҳсол гардидааст, ки нисбат ба соли 2023 дар ҳаҷми 567,2 миллион кВт-соат ё 3 фоиз зиёд мебошад. Дар ин хусус Вазири энергетика ва захираҳои оби Ҷумҳурии Тоҷикистон Далер Ҷумъа имрӯз дар нишасти матбуотӣ иттилоъ дод.
Гуфта шуд, ки дар ин давра аз ҷониби барқистеҳсолкунандагони мустақили мамлакат, аз ҷумла дар Ҷамъияти саҳомии кушодаи «Барқи Тоҷик» беш аз 17,4 миллиард кВт-соат, дар Ҷамъияти саҳомии кушодаи «НБО Сангтӯда-1» зиёда, аз 2,6 миллиард кВт-соат, дар Неругоҳи барқи обии «Сангтӯда-2» 869,5 миллион кВт-соат, дар Ҷамъияти саҳомии кушодаи «Помир Энерҷӣ» 214,1 миллион кВт-соат, дар Ҷамъияти саҳомии кушодаи «НБО-и «Роғун» зиёда аз 1,2 миллиард кВт-соат неруи барқ истеҳсол гардидааст.
Ҳамзамон соли 2024 дар ҷумҳурӣ дар ҳаҷми беш аз 1,3 миллион Гкал неруи гармӣ истеҳсол шудааст, ки нисбат ба соли 2023 дар ҳаҷми 359,2 ҳазор Гкал бештар мебошад. Бо назардошти афзоиши аҳолӣ ва ба кор даровардани иқтидори нави саноатӣ сол аз сол талабот ба неруи барқ дар ҷумҳурӣ афзоиш меёбад.
Зимни натиҷагирӣ аз фаъолияти Вазорати энергетика ва захираҳои оби мамлакат Вазири энергетика ва захираҳои оби ҷумҳурӣ Далер Ҷумъа иброз намуд, ки соли 2024 корхонаю муассисаҳои соҳаҳои марбут ба Вазорати энергетика ва захираҳои об фаъолияташонро ба иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, қарорҳои Ҳукумати Ҷумҳурии Тоҷикистон, иҷрои барномаҳои соҳавии рушди энергетика ва захираҳои оби ҷумҳурӣ равона намуданд.
Дар доираи салоҳияту уҳдадориҳо барои амалӣ намудани сиёсати ягонаи энергетикӣ ва истифодаи самараноки захираҳои обии мамлакат, аз ҷумла дар самти бунёд ва таҷдиди иқтидори истеҳсолии энергетикӣ, сохтмону таъмири инфрасохтори энергетикӣ ва афзоиши имконияти содиротӣ корҳои назраррас ба анҷом расонида шуданд.
Марзия САИДЗОДА,
АМИТ «Ховар»
АКС: АМИТ «Ховар»
ТОҶИКИСТОН — ДАВЛАТИ ТАШАББУСКОР. Иқдомҳои Президенти Тоҷикистон ба пешгирии тағйирёбии иқлим ва обшавии босуръати пиряхҳои минтақаю ҷаҳон нигаронида шудаанд
Форуми «Сармоягузорӣ ба илм ва навоварии ҷавонон: Назари минтақавии форуми ҷаҳонии озуқаворӣ барои Аврупо ва Осиёи Марказӣ» оғоз гардид
Дар Душанбе Конфронси 35-уми минтақавии Созмони озуқаворӣ ва кишоварзии СММ барои Аврупо ва Осиёи Марказӣ оғоз мешавад
РУШДИ САНОАТ. Дар шаҳри Истиқлол сохтмони корхонаи истеҳсоли оҳаксанг ва хокаи оҳак идома дорад
Ҷамъияти дорои масъулияти маҳдуди «Хоҷамастон» дар як рӯз то 700 дона хишт истеҳсол менамояд
Дар Суғд неругоҳи барқи офтобӣ бо иқтидори умумии 500 МВт сохта мешавад
ИҚТИСОДИ РАҚАМӢ ВА ИННОВАТСИЯ. Истифодаи самараноки технологияҳои иттилоотӣ омили муҳими пешрафти китобхонаҳо аст
ИСТИФОДАИ САМАРАНОКИ ЗАМИН. Кишоварзони ноҳияи Абдураҳмони Ҷомӣ бозорҳоро бо маҳсулоти босифат таъмин мекунанд
РУШДИ САНОАТ. Дар шаҳри Истиқлол сохтмони марҳилаи дуюми корхонаи металлургӣ идома дорад
Нигина Анварӣ: «Баргузории Конфронси ФАО дар Душанбе бозгӯи эътимоди ҷомеаи ҷаҳонӣ ба сиёсати пешгирифтаи Тоҷикистон ва саҳми фаъолонаи он дар рушди устувори кишоварзӣ аст»
Намояндагони воситаҳои ахбори омма бо фаъолияти дидбонгоҳи наздисарҳадии «Дӯстӣ» шинос шуданд
Тоҷикистон ва Туркия ҳамкориро дар соҳаи сайёҳӣ густариш медиҳанд
