Соли 2024 аз Тоҷикистон ба беш аз 26 давлати хориҷӣ маҳсулоти кишоварзӣ содирот гардид
ДУШАНБЕ, 30.01.2025. /АМИТ «Ховар»/. Соли 2024 ба беш аз 26 давлати хориҷии дуру наздик маҳсулоти кишоварзӣ содирот карда шуд. Ин матлабро имрӯз зимни нишасти матбуотӣ Вазири кишоварзии Ҷумҳурии Тоҷикистон Қурбон Ҳакимзода баён намуд.
Иттилоъ дода шуд, ки аз маҳсулоти кишоварзии содиротгардида 85 фоиз ба давлатҳои Иттиҳоди Давлатҳои Мустақил ва 15 фоиз ба давлатҳои хориҷии дур рост меояд.
Соли 2024 268,3 ҳазор тонна маҳсулоти кишоварзӣ ба маблағи 226,7 миллион доллари амрикоӣ содирот карда шуд. Тибқи таҳлилҳо, аз маҳсулоти содиротгардида нахи пахта 100,5 ҳазор тонна, сабзавот 30,8 ҳазор тонна, (аз ҷумла пиёз 29,2 ҳазор тонна), меваҷот 40,1 ҳазор тонна (аз ҷумла ангур 23,7 ҳазор тонна), меваи хушк 90,1 ҳазор тонна ва дигар намуди маҳсулоти кишоварзӣ 6,8 ҳазор тоннаро ташкил медиҳад.
Дар ҷараёни нишасти матбуотӣ иброз гардид, ки барои ноил шудан ба таъмини амнияти озуқавории мамлакат татбиқи Барномаи амнияти озуқаворӣ аз ҳисоби истеҳсоли маҳсулоти кишоварзии ватанӣ назаррас буда, соли 2024 аз ҳисоби истеҳсоли намудҳои асосии маҳсулоти кишоварзӣ ба сари ҳар як нафар аҳолӣ, аз ҷумла ғалладонагиҳо ба 179,0 килограмм, картошка ба 123,7 килограмм, сабзавот ва полезиҳо ба 434,1 килограмм, мева ва буттамеваҳо ба 108,9 килограмм, гӯшт (дар вазни зинда) 40,7 килограмм, шир 115,2 килограмм ва тухм ба 123,9 дона баробар гардид.
Дар натиҷаи тадбирҳои андешида соли 2024 истеҳсоли картошка 134 фоизи талабот, сабзавот 2,4 маротиба, пиёз 5,5 маротиба, сабзӣ 3,6 маротиба, полезӣ 3,7 маротиба, гӯшту шир 100 – фоизӣ аз меъёри истеъмолӣ барзиёд иҷро гардид.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
Файзиддин Қаҳҳорзода бо намояндагони Институти ҷаҳонии рушди сабз ва Комиссияи иқтисодӣ ва иҷтимоии СММ вохӯрӣ намуд
Ҷалби сармоя ба соҳаи фармасевтикаи Тоҷикистон бо иштироки сармоягузорони Чин баррасӣ гардид
Тоҷикистон ва Олмон ҳамкории иқтисодию тиҷоратиро густариш медиҳанд
Хуршед Мирзо дар Форуми дуюми Тян-Шон оид ба дастовард ва иқтидори инноватсионии Тоҷикистон маълумот пешниҳод намуд
Дар шаҳри Бӯстон хати нави истеҳсолӣ ва зеристгоҳи барқӣ ифтитоҳ гардид
Ҷаласаи шарҳи маҷмуии лоиҳаҳои сармоягузории давлатии аз ҷониби Бонки Осиёии рушд маблағгузоришаванда доир шуд
Лоиҳаҳои афзалиятноки инфрасохтори нақлиётии Тоҷикистон дар «Paris InfraWeek 2026» муаррифӣ гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Ҳайати Тоҷикистон дар Форуми дуюми Тян-шон оид ба ҳамкории иқтисодӣ дар Осиёи Марказӣ иштирок намуд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
