Соли 2024 дар 3239 гектар корҳои бунёд ва барқароркунии ҷангал иҷро гардид
ДУШАНБЕ, 30.01.2025. /АМИТ «Ховар». Соли 2024 аз ҷониби ташкилоту муассисаҳои низоми Агентии хоҷагии ҷангали назди Ҳукумати Ҷумҳурии Тоҷикистон корҳои бунёд ва барқароркунии ҷангалзор ва бунёди плантатсияҳо дар 3239 гектар иҷро гардид. Чунин иброз намуд имрӯз зимни нишасти матбуотӣ муовини директори Агентии хоҷагии ҷангал Давлаталӣ Шарифзода.
Аз ҷумла, дар 1067,2 гектар ҷангал бунёд шуда, дар 1860,4 гектар ҷангал барқарор гардид. Бунёди плантатсияҳои хуч, писта, чормағз ва дигар намуди дарахтон 311,6 гектарро ташкил медиҳад. Инчунин корҳои мусоидат ба худбарқароршавии ҷангал дар зиёда аз 3300 гектар ва пурракунии зичии ниҳолҳо дар 620,7 гектар гузаронида шуд.
Ҳамзамон иттилоъ дода шуд, ки бо мақсади таъмин намудани сабзиши ниҳолҳои шинонида ва тухмиҳои киштшуда дар 13223 гектар корҳои нигоҳубини ҷангал, аз қабили нарм кардани бехи ниҳолҳо, обмонӣ ва дигар чорабиниҳо гузаронида шуда, дар ин давра зиёда аз 180 гектар ба гурӯҳи заминҳои ҷангалпӯш гузаронида шуданд.
Натиҷаи баҳисобгирии тирамоҳии сабзиши ниҳолҳо дар майдонҳои бунёд ва барқароркунии ҷангал дар сатҳи Агентӣ ҷамъбаст гардида, соли 2024 ба ҳисоби миёна 70 фоизро ташкил дод, ки нисбат ба соли 2023 8,1 фоиз зиёд мебошад.
Зарангези ЛАТИФ,
АМИТ «Ховар»
АКС: АМИТ «Ховар»
Дар хоҷагии деҳқонии «Ҳолиёр Қурбонов»-и Қубодиён дар 11 гектар меваю зироат парвариш мешавад
РУШДИ ПАРАНДАПАРВАРӢ. Дар Зафаробод сохтмони фабрикаи мурғпарварӣ идома дорад
МАСЛИҲАТИ МУТАХАССИС. Истеъмоли зардолу фаъолияти зеҳнӣ ва хотираро беҳтар мекунад
ИСТИФОДАИ САМАРАНОКИ ЗАМИН. Сокини ноҳияи Панҷ дар 2 гектар гармхонаҳои доимӣ бунёд намудааст
Дар Душанбе дурнамои тақвияти ҳамкории Тоҷикистон бо БАТР баррасӣ гардид
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
